މާމިގިލީ ދާއިރާގެ މެންބަރުކަންވެސް ކުރައްވާ ގާސިމް އެކްސް ގައި ކުރެއްވި ޕޯސްޓެއްގައި ވިދާޅުވީ ރައީސް މުއިއްޒު ދިވެހިރާއްޖެ ތަމްސީލުކުރެއްވީ ނުހަނު ވިސްނުންތެރިކަމާއެކު، ވަރަށް ފުރިހަމަ އަދި އެހާމެ މުނާސަބުކޮށް ކަމަށެވެ.
އިތުރަށް ގާސިމް ފާހަގަކުރެއްވި ގޮތުގައި ރައީސް މުއިއްޒުގެ ތަޤްރީރު ދުނިޔޭގެ ސަމާލުކަން ލިބި، ބޮޑެތި މީޑިއާތަކުގެ ފަލަ ސުރުޚީގައި ހިމެނިފައިވެއެވެ. އަދި އދ.ގެ ސަލާމަތީ މަޖިލީހުގެ ތަޅުމުގައި ތަޤްރީރުކުރެއްވި ފުރަތަމަ ދިވެހި ރައީސަކީވެސް މުއިއްޒު ކަމަށް ގާސިމް ފާހަގަކުރެއްވިއެވެ.
ރައީސް މުއިއްޒުގެ ތަޤްރީރުގައި ދުނިޔެއަށް ކުރިމަތިވެފައިވާ ބޮޑެތި ގޮންޖެހުންތަކާއި، މޫސުމަށް އަންނަ ނޭދެވޭ ބަދަލުތަކާއި، އިއާދަކުރަނިވި ހަކަތަ އިތުރުކުރުމާއި، އިޖުތިމާޢީ އަދި އިޤްތިޞާދީ ގޮންޖެހުންތަކާއި، އަދި މަސްނޫޢީ އިންޓެލިޖެންސްގެ ބޭނުންކުރުން ފަދަ މުހިންމު މައުޟޫޢުތަކަށް އަލިއަޅުވާލެއްވި ކަމަށްވެސް ގާސިމް ވިދާޅުވިއެވެ.
