ފުޅާ ދާއިރާއެއްގައި ކަޅު ބާޒާރުގައި ޑޮލަރުގެ ވިޔަފާރި ކުރަމުންދިޔަ ފަސް ބިދޭސީއަކު އިމިގްރޭސަނުން ހައްޔަރުކުރީ މިމަހުގެ 5 ވަނަދުވަހުއެވެ.
އިމިގްރޭސަނުން އޭރު ބުނީ މި މީހުން އަތުލައިގަތީ ޓާސްކު ފޯސް އަށް ލިބުނު މައުލޫމާތެއްގެ އަލީގައި، އިމިގްރޭސަނާއި ފުލުހުން ގުޅިގެން، ހިންގި ހާއްސަ ރެއިޑެއްގައިކަމަށެވެ.
މި މައްސަލާފައި ހައްޔަރުކުރި މީހުންގެ ތެރެއިން ދެ މީހުން ޑީޕޯޓްކޮށްލާފައިވާކަމަށް އިމިގްރޭޝަނުން ބުނެއެވެ. އަދި އަނެއް ތިން މީހުންގެ ތަހުގީގު ކުރިޔަށްދާކަމަށް އެ އިދާރާއިން ބުނެެވެ.
ކަޅު ބާޒާރުގައި ޑޮލަރު ވިއްކަނިކޮށް އަތުލައިގެން ފަސް މީހުންގެ އަތުން އެތައް ލައްކަ ފައިސާއާއި ގިނަ އަދަދެއްގެ ޑެބިޓް/ކްރެޑިޓް ކާޑު ފެނިފައިވާ ކަމަށް އިމިގްރޭޝަނުން ވަނީ ބުނެފައެވެ.
ގަވާއިދާ ހިލާފަށް ރާއްޖޭގައި އުޅެނިކޮށް އަތުލައިގަނެ މި މަސް ފެށިގެން މަހުގެ 17ގެ ނިޔަލަށް 663 ބިދޭސީން ޑީޕޯޓްކޮށްލައިފައިވާކަަމަށް އިމިގްރޭޝަނުން ވަނީ ބުނެއެވެ.
