މި އަހަރުގެ ކުރީކޮޅު، ލަކްޝަދްވީޕް-ދިވެހިރާއްޖެ މައްސަލައިގައި، އަރުޖުން ބިޖްލާނީ އާއި އެހެން ގިނަ ބޮލީވުޑް ތަރިން ވަނީ އިންޑިއާގެ ރަށްތަކަށް ދަތުރުކުރުމަށް ހިތްވަރުދީ، ދިވެހިރާއްޖެއަށް ދަތުރު ނުކުރުމަށް ގޮވާލާފަ އެވެ.
ނަމަވެސް، މިހާރު އަރުޖުން ބިޖްލާނީ އާއި ނެހާ ސްވާމީ ވަނީ އެމީހުންގެ އިންސްޓަގްރާމް އެކައުންޓްގައި ދިވެހިރާއްޖޭގެ މަންޒަރުތަކެއް ޝާއިއުކޮށްފަ އެވެ. މި ފޮޓޯތަކުގައި އެ ދެ މީހުން ދިވެހިރާއްޖޭގެ ރީތި މޫދާއި ގޮނޑުދޮށުގެ މަންޒަރުތަކުގައި އުފާވެރިކަމާއެކު ތިބި ތަން ފެނެ އެވެ.
މި ކަމާ ގުޅިގެން ގިނަ ބަޔަކު ވަނީ އަރުޖުން ބިޖްލާނީގެ މި އަމަލާމެދު ފާޑުކިޔާފައެވެ. ނަމަވެސް، ބައެއް މީހުން ބުނާ ގޮތުގައި މިއީ ގައުމުތަކުގެ މެދުގައި އޮންނަ ގުޅުން ރަނގަޅުވުމުގެ ނަތީޖާއެކެވެ.
އަރުޖުން ބިޖްލާނީ މިހާތަނަށް މިކަމާ ގުޅޭގޮތުން އެއްވެސް ބަޔާނެއް ނެރެފައެއް ނުވެ އެވެ.
