މަސްވެރީން މިފްކޯއަށް ކިރާފައިވާ މަހުގެ ފައިސާ ސަރުކާރުން މި ހަފްތާގައި ޖަމާކޮށްދޭނެ ކަމަށް މިފްކޯއިން ބުނެފައިވާއިރު; 24 އޮގަސްޓުން 25 ސެޕްޓެމްބަރު މަހުގެ ނިޔަލަށް މިފްކޯއަށް ކިރި މަހުގެ ޖުމްލަ އަގަކީ 17,350,903 (ސަތާރަ މިލިއަން ތިން ލައްކަ ފަންސާސް ހާސް ނުވަ ސަތޭކަ 3 ރުފިޔާ) ކަމަަށް މިފްކޯއިން މައުލޫމާތުދެއެވެ.
ސަރުކާރުގެ އެހީތެރިކަމާއެކު މި ފައިސާ އެއްކޮށް އޮޑިވެރީންނަށް މިއަދު ޖަމާވަމުންދާނެ ކަމަށް ފާހަގަކޯށް މިފްކޯއިން ވަނީ ސަރުކާރުން މިފްކޯއަށް ދޭ އެހީތެރިކަމާއި އެއްބާރުލުން ފާހަގަކޮށްފައެވެ.
މިފްކޯއިން މަސްވެރިންނަށް ދޭން ޖެހިފައިވާ ފައިސާ ޖަމާ ކުރަމުން ދިޔަ އިރު ވޭދުވެ ދިޔަ ހަފްތާ ތެރޭ ދަރަވަންދޫ އަދި ގއ ގެ ދެ ރަށަކަށް މިނިސްޓްރީގެ ގެ ފަރާތުން ދިޔަ ޓީމްތައް ވަނީ ހިތްހަމަ ނުޖެހިފައި ހުރި މަސްވެރީން ވެގެން އެރަށުން އެ މީހުންތައް ބާލާފައެވެ.
މި ސަރުކާރުގެ އަމާޒަކަށް ކުރިން ކަނޑައެޅީ މަސް ކިރާތާ އެންމެ ލަސްވެގެން 48 ގަޑިއިރުގެ ތެރޭގައި މަސްވެރިންނަށް ފައިސާ ދިނުމެވެ. ނަމަވެސް އެގޮތަށް އެކަން ކުރިއަށް ގެންދަން ދަތިވީ ދުނިޔޭގެ ބާޒާރުގައި މަހަށް ލިބޭ އަގު ވެސް ރަނގަޅުވެގެން ކަމަށް ސަރުކާރުން ބުނެފައިވެއެވެ.
