އެމްއެންޑީއެފްއިން ބުނީ އަލިފާން ރޯވީ ކަނޑިންމަ ރިސޯޓަށް ފެން ހިފައިގެން ދަތުރުކުރަމުން ދިޔަ "ހަމްދު" ނަމަކަށް ކިޔާ މުދާ އުފުލާ ދޯންޏެއްގައި ކަަމަށެވެ.
އެ ދޯނީގެ އިންޖީނު ރޫމުގައި އަލިފާނުގެ ހާދިސާއެއް ހިނގައިގެން އުޅޭކަމުގެ މައުލޫމާތު އެމްއެންޑީއެފް ސެންޓްރަލް އޭރިއާ ކޮމާންޑް، ދ.ކުޑަހުވަދޫ ފަޔާ ސްޓޭޝަނަށް ލިބުނީ މިއަދު ހެނދުނު 7:20 ހާއިރު ކަމަށާއި އެ އިރުއްސުރެ ފަޔާ ސްޓޭޝަނުގެ ފަޔާ ފައިޓަރުން ހަރަކާތްތެރިވަމުން ދާކަމަށް އެމްއެންޑީއެފް ވަނީ ބުނެފައެވެ. އަދި އެދޯނީގައި އަލިފާން ރޯވެ އަދަނމުންދާތާ 8 ގަޑީރު ވީއިރުވެސް އަލިފާން އެއްކޮށް ނިވާ ލެވިފައި ނުވާކަމަށް މެންދުރު އެމްއެންޑީއެފުން ވަނީ ބުނެފައެވެ.
ކުޑަހުވަދޫ ކައިރީ އޮއްވަ ރޯވި ދޯނީގައި ހިފި އަލިފާން ނިންވާލުމަށް މަސައްކަތް ކުރަނީ
އޭގެ އިރުކޮޅެއް ފަހުން ފުލުހުން ބުނީ އެ ދޯނި އަޑިއަށް ގޮސްފައިވާކަމަށެވެ. އަދި ދޯނި އަޑިއަށް ދިޔައީ އަލިފާން ނިއްވުމުގެ މަސައްކަތް ކުރަމުން ދަނިިކޮށްކަމަށްވެސް ފުލުހުން ބުނެއެވެ.
މި ދޯނީގައި އަލިފާން ރޯވި ވަގުތު 5 މީހުން ތިއްބެވެ. އެއީ 4 ބިދޭސީންނާއި ދިވެއްސެކެވެ. މި އެންމެންހެ ހާލުވެސް ރަނގަޅުކަމަށް ފުލުހުން ބުނެއެވެ.
