ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރި މީހަކު، އެ ކުޑަކުއްޖާއާއެކު ޖިންސީ އަމަލެއް ހިންގުމުގެ ކުށް ސާބިތުވެ 18 އަހަރުގެ ޖަލު ހުކުމެއް އިއްވި މި މައްސަލައަކީ، މިއީ، ދައުލަތުން، ކުޑަކުދީންނަށް ޖިންސީ ގޯނާކުރާ މީހުންނާމެދު ހާއްސަ އުސޫލުތަކަކަށް އަމަލުކުރުމުގެ ގާނޫނުގެ ނުވަ ވަނަ މާއްދާގެ (ހ) ގެ ދަށުން، ނާޒިމް އިބްރާހީމް ކިޔާ މީހެއްގެ މައްޗަށް ކުރި ދައުވާއެކެވެ.
މި މައްސަލަ ހިންގާފައިވަނީ އާއްމުކޮށް ހުޅުވައިނުލަ އެވެ. ކްރިމިނަލް ކޯޓުން މި މައްސަލައިގެ ހުކުމް ކުރުމަށް ފަހު އާއްމުކޮށްފައިވާ ބަޔާނުގައި ބުނެފައިވަނީ ނާޒިމް އިބްރާހީމް ކުށްވެރިވެއްޖެކަމަށް ކަނޑައަޅައި، މި ކުށުގެ އުގޫބާތެއްގެ ގޮތުން، 18 (އަށާރަ) އަހަރު ދުވަހުގެ މުއްދަތަކަށް ޖަލަށްލުމަށް ހުކުމްކޮށްފައިވާ ކަމަށެވެ.
މި ކޭސްއާ ގުޅުން ހުރި ކަމަށް ބެލެވޭ އިތުރު މައްސަލައެއްގައި އަންހެނެއްގެ މައްޗަށްވެސް ދައުވާ އުފުލިއެވެ. އެހެންނަމަވެސް އެ މައްސަލަ ސާބިތެއް ނުވި އެވެ. އަންހެން މީހާގެ މައްޗަށް އުފުލާފައިވަނީ އެނގިހުރެ، އެނގިހުރެ ނޭންގުމުގެ ކުށުގެ ދައުވާ އެވެ.
