ގްރީޒްމަން، ގައުމީ ޓީމަށް ކުޅުނު ހުއްޓާލިއިރު، އުމުރުން އެންމެ 33 އަހަރެވެ.
އޭނާއަކީ 2018 ވަނަ އަހަރުގެ ވޯލްޑްކަޕް ކާމިޔާބު ކުރި ޓީމުގައި ހިމެނުނު މުހިއްމު ކުޅުންތެރިއެކެވެ. މޮސްކޯގައި ކްރޮއޭޝިއާ އާއި ދެކޮޅަށް ކުޅުނު ފައިނަލް މެޗު 4-2 ގެ ނަތީޖާއަކުން ފްރާންސް ކާމިޔާބުކުރިއިރު ގްރިޒްމަން ވަނީ ޕެނަލްޓީއަކުން ލަނޑެއްވެސް ކާމިޔާބުކޮށްފަ އެވެ.
ފްރާންސްގެ ގައުމީ ޓީމަށް އޭނާވަނީ 137 މެޗު ކުޅެ 44 ގޯލު ޖަހާފައެވެ. ގްރިޒްމަން ވަނީ 2016 ވަނަ އަހަރުގެ ޔޫރޯ ފުޓްބޯޅަ މުބާރާތުގައި 6 ލަނޑު ޖަހައި މުބާރާތުގެ މޮޅު ކުޅުންތެރިޔާގެ މަގާމު ހޯދާފަ އެވެ.
ނޭޝަންސް ލީގުގައި މިމަހު އިޓަލީ އާއި ދެކޮޅަށް ކުޅެ 3-1 ގެ ނަތީޖާއަކުން އިޓަލީ އަތުން ބަލިވި މެޗުގެ ފުރަތަމަ އެގާރައިގައި ގްރިޒްމަން ވަނީ ކުޅެފައެވެ. އޭނާ އެންމެ ފަހުން ގައުމީ ޓީމަށް ކުޅެފައިވާ މެޗަކީ ނޭޝަންސް ލީގުގައި ބެލްޖިއަމް އާއި ދެކޮޅަށް ބަދަލު ކުޅުންތެރިއެއްގެ ގޮތުގައި މިމަހު ކުޅުނު މެޗެވެ.
