މި މައުލޫމާތު މިނިސްޓަރު ހާމަކުރެއްވީ މުދައްރިސުންގެ ބައިނަލްއަގްވާމީ 7 ވަނަ މަހާސިންތާ ފެށުމުގެ ރަސްމިއްޔާތުގައި ދެއްކެވި ވާހަކަފުޅުގައެވެ.
ކުރީ އަހަރާ އަޅާބަލާއިރު މިއަހަރު އޭލެވެލަށް ކިޔަވަން ފެށި ދަރިވަރުންގެ ނިސްބަތް 70 ޕަަސަންޓު އަށްވުރެ އިތުރުވެފައިވާކަމަށް ވެސް މިނިސްޓަރު ވިދާޅުވި އެވެ.
މި ކުރިއެރުމުގެ ސަބަބުން ޔުނިވާސިޓީތަކަށް ވަންނަ ދަރިވަރުންގެ އަދަދު އިތުރުވެ، މުޅި ތައުލީމީ ނިޒާމު ހަރުދަނާވެގެންދާނެކަމަށް މިނިސްޓަރު އުންމީދު ފާޅުކުރެއްވި އެވެ. އަދި މީގެ ނަތީޖާއެއްގެ ގޮތުން، ގައުމީ އުފެއްދުންތެރިކަމަށް ބޭނުންވާ ޒުވާނުންގެ އާ ޖީލެއް ޔުނިވާސިޓީތަކުން އުފެދިގެން އަންނާނެކަމަށް ވެސް ވިދާޅުވި އެވެ.
ނަމަވެސް، މިނިސްޓަރު ފާހަގަ ކުރެއްވި ގޮތުގައި އަދި ވެސް ގިނަ ގޮންޖެހުންތަކެއް ހުރިކަން ފާހަގަ ކުރެއްވި އެވެ. ހާއްސަކޮށް، އޭލެވެލް އިމްތިހާނުތަކުން ފާސްވާ ދަރިވަރުންގެ ނިސްބަތް ދަށްވެފައިވާކަން ފާހަގަ ކުރެއްވި އެވެ. މި ކަންކަން ހައްލުކުރުމަށް، ތައުލީމީ ދާއިރާގައި ހުރި ގޮންޖެހުންތައް ދެނެގަނެ، ގާބިލު މީހުން އުފެއްދުމަށާއި މަތީ ތައުލީމަށް ކިޔަވާ ދަރިވަރުން އިތުރު ކުރުމަށް އިތުރު މަސައްކަތްތަކެއް ކުރަމުންދާކަމަށް މިނިސްޓަރު ވިދާޅުވި އެވެ.
