އެ އިދާރާއިން މިއަދު ނެރުނު އެލާޓެއްގައި ބުނީ އިންޑިއާގެ އެކު ކުންފުނިތަކުން އުފައްދާފައިވާ 48 ބާވަތެއްގެ ބޭހުން ގިނަ ކޮލެޓީ މައްސަލަތަކެއް ފާހަގަކުރެވިފައިވާތީ ބޭސް ރެގިއުލޭޓްކުރާ މައި އިދާރާ ސީޑީއެސްސީއޯއިން އަންގާފައިވާކަމަށެވެ.
ސީޑީއެސްސީއޯގެ މި އެލާޓާއި ގުޅިގެން ރާއްޖޭގެ މާކެޓުގައި އަދި ހުއްދަދީފައިވާ ބޭސްތަކުގެ ލިސްޓުގައި މި ބޭސްތައް ހިމެނޭތޯ ބެލުމަށް ގިނަ މަސައްކަތްތަކެއްކޮށް މާކެޓް އިވެލިއޭޝަން ހަދާފައިވާކަމަށް އެމްއެފްޑީއޭ ބުނެއެވެ. މިގޮތުން ބެލިބެލުމުން މި ލިސްޓުގައި ހިމެނުނު ބޭހެއް ރާއްޖޭގައި ހުއްދާދީފައި އޮތްނަމަވެސް އެ ބޭސް ރާއްޖެއަށް އެތެރެވެފައި ނުވާކަން ޔަގީންކުރެވިފައިވާކަމަށް އެމްއެފްޑީއޭ ބުނެއެވެ.
ރައްކާތެރިކަމުގެ ފިޔަވަޅެެއްގެ ގޮތުން ރާއްޖެއަށް ބޭސް އިމްޕޯޓްކުރާ ޕޯޓްތަކުގެ އިންސްޕެކްޝަންތައް އިތުރަށް ވަރުގަދަކޮށް، މިފަދަ ބޭސްތައް އެތެރެވިޔަ ނުދިނުމަށްޓަކައި ކުރަންޖެހޭ މަސައްކަތް ކުރަމުންދާކަމަށްވެސް މޯލްޑިވްސް ފުޑް އެންޑް ޑުރަގު އޮތޮރިޓީ ބުނެެއެވެ.
