މިފްކޯ މަސް ފިހާރަ
ކުދި ވިޔަފާރިތަކަށް ފުރުސަތެއް، އަތުޖެހި، ހަނޑުލު ގުޅަ، ބަޖިޔާ، މިފްކޯއިން ގަންނަނީ
މުހައްމަދު އާދަމް އަހްމަދު
01 އޮކްޓޯބަރ 2024 - 20:51:18
ދިވެހި އުފެއްދުންތައްކަމަސްވާ އަތުޖެހި، ހަނޑުލު ގުޅަ، ބަޖިޔާ މިފްކޯއަށް ވިއްކާނެ ބަޔަކު ހޯދުމަށް އެ ކުންފުނިން އިއުލާންކޮށްފިއެވެ.
Advertisement
މިފްކޯއިން ބުނީ މީ އެކުންފުނީގެ ސީ.އެސް.އާރުގެ ދަށުން ކުރިއަށްގެންދާ "ރަސްއައިން" ގެ ބާވަތްތައް ހޯދުމަށް ކުރާ މަސައްކަތެއްކަމަށެވެ. އަދި މިކަމުގައި މައިގަނޑު މަޤްސަދަކީ މަހުގެ ބާވަތްތައް އުފައްދާ ކުދި ވިޔަފާރިތަކަށް އިތުރު ފުރުސަތުތައް ހޯދައިދިނުމާއި، އެ ފަރާތްތަކުގެ ވިޔަފާރި ފުޅާކުރުމަށް އެހީތެރިވެދިނުންކަމަށްވެސް މިފްކޯއިން ބުނެއެވެ.
"ރަސްއައިން" ޕްރޮޑަކްޓްގެ ތެރޭގައި ހިމެނެނީ މަހުން އުފައްދާ (އަގުއެއް ކުރެވިފައިވާ) ދިވެހި ކާނާގެ ބާވަތްތަކެވެ. މީގެ ތެރޭގައި އަތުޖެހި، ހަނޑުލު ގުޅަ އަދި ތެލުލި ބަޖިޔާ ފަދަ ބާވަތްތައް ހިމެނޭ." ކުދި ވިޔަފާރިވެރިން ނަށް މިފްކޯއިން ހުޅުވާލި ފުރުސަތުގައި ބުނެފައިވެއެވެ.
މިކަމަށް ޝައުޤުވެރިވާ ފަރާތްތަކުން ޕްރޮޕޯސަލް ހުށައެޅުމުގެ ފުރުސަތު މިފްކޯއިން ވަނީ ހުޅުވާލާފައެވެ. އަދި ހުށަހެޅޭ ޕްރޮޕޯސަލްތަކުގެ ތެރެއިން ހޮވޭ ފަރާތްތަކަށް އިތުރު އެހީތެރިކަން ފޯރުކޮށްދޭނެކަމަށްވެސް މިފްކޯއިން ބުނެއެވެ.
ޕްރޮޕޯސަލްތަކުގައި ހިމެނެންޖެހޭ މައުލޫމާތުތައް:
- ގޭގައި ކާބޯތަކެތި ތައްޔާރުކުރުމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމް.އެފް.ޑީ.އޭ) އިން ދޫކޮށްފައިވާ ހުއްދައިގެ ކޯޑު
- ސަޕްލައި ކޮށްދެވިދާނެ ބާވަތްތަކުގެ ނަމާއި އޭގައި އެކުލެވޭ ބައިތަކުގެ ތަފްޞީލު
- ޕްރޮޕޯސަލް ހުށަހަޅާ ފަރާތުގެ ނަމާއި އެޑްރެސް އަދި ގުޅޭނެ ފޯނު ނަންބަރު
- ކޮންމެ ބާވަތަކުން 500 ގްރާމްގެ ސާމްޕަލް
މިފްކޯއިން ބުނީ ޕްރޮޕޯސަލްތައް ބަލއިގަތުމުގެ އެންމެ ފަހުގެ ތާރީހަކީ މިމަހުގެ 7 ވާ ހޯމަ ދުވަސްކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
