މި ނިންމުމާ ގުޅޭ ގޮތުން ރައީސް އޮފީހުން ނެރުނު ބަޔާނެއްގައި ބުނެފައިވަނީ، މާލެ އަތޮޅު ދެކުނުން ވާދޫ ކަނޑުއޮޅިން ފެށިގެން ގާތްގަނޑަކަށް 7 ކިލޯމީޓަރު ދެކުނުގައި އޮންނަ 73 ހެކްޓަރުގެ ފަރުގެ ސަރަހައްދެއް މިކަމަށް ހާއްސަކުރެވޭނެ ކަމަށެވެ.
މި ނިންމުމަކީ ހޯމަ ދުވަހު ބޭއްވުނު ވަޒީރުންގެ މަޖިލީހުގެ ބައްދަލުވުމެއްގައި ފިޝަރީޒް މިނިސްޓްރީން ހުށަހެޅި ކަރުދާހަކާ ގުޅިގެން ނިންމި ނިންމުމެކެވެ. މި ސަރަހައްދުގައި ކޮމާޝަލް ފެންވަރެއްގައި ފާނަ އާލާކުރުމުގެ މަސައްކަތް ކުރިއަށް ގެންދިއުމަށް ވަނީ ރޭވިފައެވެ. މިއީ ރާއްޖޭގެ މަސްވެރިކަމުގެ ދާއިރާއަށް އައު ކުރިއެރުމެއް ގެނެސްދޭނެ ކަމެއް ކަމަށް ސަރުކާރުން އުންމީދު ކުރެއެވެ.
މީގެ އިތުރުން، މެރިކަލްޗަ ތަރައްގީކުރުމަށް ހަތަރު ޒޯނެއް އުފެއްދުމަށްވެސް ސަރުކާރުން ވަނީ ނިންމާފައެވެ. މި ޒޯންތަކަކީ ހދ. އާއި ށ. އަތޮޅުގެ ޒޯނާއި، ރ. އަތޮޅުގެ މެރިކަލްޗާ ޒޯނާއި، މ. އަތޮޅުގެ މެރިކަލްޗާ ޒޯނާއި، އަދި ތ. އަތޮޅުގެ މެރިކަލްޗާ ޒޯނެވެ. މި ފިޔަވަޅުތަކަކީ ރާއްޖޭގެ މަސްވެރިކަމުގެ ދާއިރާ އިތުރަށް ފުޅާކޮށް، ގްތިސާދީ ގޮތުން ފައިދާ ހޯދުމަށް އެޅޭ މުހިންމު ފިޔަވަޅުތަކެއް ކަމުގައި ސަރުކާރުން ދެކެއެވެ.
