އެ މިނިސްޓްރީން ބުނީ މަރުކަޒު މުންނާރު ކައިރީ މަސްފެންގަނޑެެއް ހަދަނީ އެ މިސްކިތަށް 40 އަހަރު ފުރުން ފާހަގަކުރާ މުނާސަބަތާއި ގުޅިގެންކަމަށެވެ.
އިސްލާމިކް މިނިސްޓްރީން ވަނީ މި މަސްފެންގަނޑު ހަދައިދޭން ބޭނުންވާ ފަރާތަކަށް ޝައުގުވެރިކަން ފާޅުކުރުމަށް ހުޅުވާލާފައެވެ.
މި ބީލަންމަށް ކުރިމަތިލެވޭނީ ވިޔަފާރި ރަޖިސްޓްރީ ކުރުމުގެ ޤާނޫނު ގެ ދަށުން ވިޔަފާރި ރަޖިސްޓްރީ ކޮށްފައިވާ ކުދި އަދި މެދު ފަންތީގެ ވިޔަފާރިތަކަށްކަމަށް މިނިސްޓްރީން ބުނެއެވެ. ބީލަމް ހުށައެޅުމުގެ އެބްމެ ފަހު މުއްދަތަކީ މިމަހުގެ ހައެއްވާ އާދިއްތަދުވަސްކަމަށް އިސްލާމިކް މިނިސްޓްރީން ބުނެއެވެ.
އިސްލާމީ މަރުކަޒު މުންނާރު ކައިރީ ކުރިންވެސް މަސްފެންގަޑެއް އޮތެވެ.
އިސްލާމީ މަރުކަޒަކީ އިސްލާމީ އެކި ގައުމުތަކުގެ އެހީގައި 1980ގެ ކުރީކޮޅު އަޅަން ފެށި މަރުކަޒެކެވެ. މިސްކިތުގެ މަސައްކަތް 10 މަސް ދުވަހުގެ ތެރޭގައި ނިންމާ ރަސްމީކޮށް މިސްކިތް ހުޅުވީ ނޮވެމްބަރު 1984ގެ ނޮވެމްބަރުމަހުގެ 11 ވަނަދުވަހު ރީގެ ރައީސް މައުމޫން އަބްދުލްގައްޔޫމެވެ.
އިސްލާމީ މަރުކަޒު އިމާރާަތްކޮށްފައިވަނީ މެލޭޝިއާގެ ވެރިރަށް ކުއާލަ ލަމްޕޫރުގެ ބަންގްސާގައި ހުންނަ މިސްކިތެއް ނަމޫނާއަކަށް ބަލައިގެން އެތަނާއި އެއްގޮތަށެވެ. މަރުކަޒުގެ ޑިޒައިންވެސް ކުރެހީ އެ މިސްކިތް ކުރެހި އާކިޓެކްޓެކެވެ.
