މޯލްޑިވްސް ފަންޑު މެނޭޖުމެންޓް ކޯޕަރޭޝަނުން އެކްސްގައި ކުރި ޕޯސްޓެއްގައި ބުނީ ހަންކެޑެގައި ތަރައްގީކުރާ ހޮޓާތައް ހިންގުން ހަވާލުކުރީ ޓައިމްސް ހޮޓެލްސް އާއި ކޮންޑުއިޓް ހައުސް އާއެކު ކަމަށެވެ. އަދި އެ ދެކުންފުންނާއި އެކު މިކަމުގެ އެއްބަސްވުމުގައި ސޮއިކުރީ ދުބާއީގައި މިހާރު ކުރިއަށްދާ ފިއުޗާ ހޮސްޕިޓާލިޓީ ސަމިޓުގެ ތެރޭގައިކަމަށެވެ.
ހަންކެޑަގެ ހޮޓާތައް ހިންގަން ހަވާލުކރު ކުންފުންނިތަކާއި އެކު އެއްބަސްވުމުގައި މޯލްޑިވްސް ފަންޑު މެނޭޖްމަންޓުން ސޮއިކުރުމުގެ ތެރެއިން
ހަންކެޑެ ތަރައްގީ ކުރަން މިިދިޔަ އިބްރާހިމް މުހައްމަދު ސާލިހްގެ ވެރިކަމުގައި ފަންޑު މެނޭޖްމަންޓު ކޯޕަރޭޝަން އިން ހަވާލުކޮށްފައި ވަނީ ޗައިނާގެ ކުންފުންނެއް ކަމަށްވާ ޗައިނާ ނޭޝަނަލް އިލެކްޓްރިކަލް އިންޖިނިއަރިން (ސީއެންއީސީސީ) އާ އެވެ. އެކަމުގެ އެއްބަސްވުމުގައި ސޮއިކުރީ 2023، މާޗް 30 ގައެވެ.
މިދިޔަ ސަރުކާރުގައި ނިންމައި ސޮއިކުރި އައްޑޫ ހަންކެޑެ އިންޓަގްރޭޓެޑް ޓޫރިޒަމް ޑިވެލޮޕްމަންޓު މަޝްރޫއުގެ އަމަލީ މަސައްކަތް ފެށުން އިފްތިތާހުކުރީ މިއަހަރުގެ އޭޕްރިލްމަހުގެ 15ގައެވެ.
