ކޮމިޝަނަރު މިހެން ވިދާޅުވީ މިހާރު ހއ. އަތޮޅަށް ކުރައްވަމުންދާ ރަސްމީ ދަތުރުފުޅުގެ ތެރެއިން އިއްޔެ ވަނީ ދިއްދޫ، ކެލާ އަދި އުތީމަށް ޒިޔާރަތްކުރައްވާ ފުލުހުންނާއި އެކު ބޭއްވި ބައްދަލުވުމުގައެވެ.
ފުލުހުންނާއެކު ކުރިއަށް ގެންދިޔަ ބައްދަލުވުންތަކުގައި ކޮމިޝަނަރު ޝުޖާއު ވަނީ ރައްޔިތުން ބޭނުމެއްޖެހިގެން ފުލުހުން ކައިރިއަށް އަތުވެއްޖެނަމަ ރައްޔިތުން މާޔޫސްކޮށް ނުލުމުަށް އިލްތިމާސްކޮށްފައެވެ. މީގެ އިތުރުން ރައްޔިތުންނާ ބައްދަލުވެ، އެފަރާތްތަކުގެ ކަންބޮޑުވުންތައް އޮޅުންފިލުވައި، ރައްޔިތުންނާ ގާތުން ފުލުހުންގެ ހިދުމަތް ފޯރުކޮށްދިނުމަށްވެސް ކޮމިޝަނަރު ވަނީ އެދިވަދައިގެންފައެވެ. ރަށްރަށުގެ ތަރައްގީގެ މަސައްކަތްތަކުގައި ފުލުހުންގެ ދައުރު މުހިންމުކަން ވެސް ސީޕީ ވަނީ ފާހަގަކުރައްވާފައެވެ.
ކޮމިޝަނަރު އަލި ޝުޖާއު އުތުރަށް ކުރައްވާ ދަތުރުގެ ތެރެއިން
ކޮމިޝަނަރު އަލީ ޝުޖާއު ހއ އަތޮޅަށް ކުރައްވާ މި ދަތުރުގެ މައިގަނޑު މަގުސަދަކީ ރަށްރަށުގެ ކުށުގެ ހާލަތާއި ރައްޔިތުންގެ ކަންބޮޑުވުންތައް ދެނެގަނެ، އެކަންކަން ހައްލުކުރުމަށް ކުރެވިދާނެ މަސައްކަތްތަކާ ގުޅޭގޮތުން މަޝްވަރާކުންކަމަސް ދިވެހި ފުލުހުންގެ ހިދުމަތުން ބުނެއެވެ.
