އެމަނިކުފާނު މިހެން ވިދާޅުވީ މިއަދު ފާހަގަކުރަމުންދާ ދިވެހިރާއްޖޭގެ ބްރޯޑްކާސްޓިން ދުވަހާ ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގަ އެވެ.
ރައީސް ޑރ. މުއިއްޒު "އެކްސް" ގައި ކުރެއްވި ޕޯސްޓެއްގައި ވިދާޅުވީ ބްރޯޑްކާސްޓް ކުރުމަކީ އަމާނާތެއް އަދި މަސްއޫލިއްޔަތެއް ކަމަށެވެ. ބްރޯޑްކާސްޓް ކުރުމުގެ ދާއިރާގެ މައިގަނޑު އަމާޒަކަށް ވާންވާނީ ރާއްޖެ އާއި ގައުމުގެ ހައްގުގައި ވަކާލާތު ކުރުން ކަމަށް އެމަނިކުފާނު ވިދާޅުވި އެވެ.
ރާއްޖޭގެ ބްރޯޑްކާސްޓް ދުވަހުގެ ގޮތުގައި ފާހަގަ ކުރަނީ ކޮންމެ އަހަރެއްގެ އޮކްޓޯބަރު 3 އެވެ. މި ދުވަހާ ދިމާކޮށް މޯލްޑިވްސް ބްރޯޑްކާސްޓިން ކޮމިޝަނުން ދަނީ މުހިންމު ހަރަކާތްތަކެއް ހިންގުމަށް ތައްޔާރުވަމުންނެވެ. އޭގެތެރޭގައި މީޑިއާތަކަށް ހުޅުވާލައިގެން ބާއްވާ ފުޓްސަލް މުބާރާތެއް ވެސް ހިމެނެ އެވެ.
ކޮންމެ އަހަރެއްގެ އޮކްޓޫބަރުމަހުގެ 4 ވަނަ ދުވަސް، ދިވެހިރާއްޖޭގެ ބްރޯޑްކާސްޓިން ދުވަހުގެ ގޮތުގައި ފާހަގަކުރަމުން އަންނައިރު، މިއީ މި ދުވަސް ފާހަގަކުރާތާ 62 އަހަރު ފުރޭ އަހަރެވެ.
މި ދުވަސް ފާހަގަކުރަނީ ރާއްޖޭގައި ފުރަތަމަ ބްރޯޑްކާސްޓިން ފެށިގެން އައި އަހަރާއި ގުޅުވައިގެންނެވެ. 1962 ވަނަ އަހަރު ރާއްޖޭގައި ރަސްމީކޮށް ފުރަތަމަ ބްރޮޑްކާސްޓް ކުރަން ފެށީ ރޭޑިއޯ ޚިދުމަތެވެ. އަދި އޭގެފަހުން 1978ވަނަ އަހަރު ޓީވީގެ ހިދުމަތް ވަނީ ފަށާފަ އެވެ.
