މުހްތާޒް ރައީސް ޑރ. މުއިއްޒުއާއެކު
ރައްޔިތުން ތިބި ފަޅި އެނގޭނީ ރައްޔިތުންނަށް، ޔާމީނަށް ތާއީދެއް ނެތް: މުހްތާޒް
މުހައްމަދު އާދަމް އަހްމަދު
04 އޮކްޓޯބަރ 2024 - 20:07:38
ޕީއެންއެފްގެ ރައީސް ޔާމީން ފަދަ ތާއީދު ނެތް، ކުދިކުދި ޕާޓީގެ ވެރިންނަށް ރައްޔިތުން ތިބި ގޮތް ވަޒަނެއް ނުކުރެވޭނެ ކަމަށް ދިވެހި ރާއްޖެއިން ސިންގަޕޫރަށް ކަނޑައަޅުއްވާފައިވާ ޑެޕިއުޓީ އެމްބެސެޑަރު މުހްތާޒް މުހްސިން ވިދާޅުވެއްޖެ އެވެ.
Advertisement
ރައީސް ޔަމީން އިސްވެ އުފައްދާފައިވާ ޕާޓީން ރޭ ބޭއްވި ޖަލްސާގައި ވާހަކަ ދައްކަވަމުން އެމަނިކުފާނު ވިދާޅުވީ ރައީސް މުއިއްޒަށް ރައްޔިތުންގެ ތާއީދު ނެތް ކަމަށެވެ. އަދި ރައީށް ޑރ. މުއިއްޒުގެ ހަގީގީ ސޫރަ ފެންނަމުންދާކަމަށް ވިދާޅުވެ ޔާމީން ވަނީ ބަހުގެ ހަމަލާތަކެއް ދެއްވާފަ އެވެ.
ރައީސް ޔާމީންގެ މިވާހަކަތަކަށް ޑރ. މުއިއްޒުގެ ސަރުކާރުން ސިންގަޕޫރަށް ކަނޑައަޅުއްވާފައިވާ ޑެޕިއުޓީ އެމްބެސެޑަރު މުހްތާޒް މުހްސިން މި ވަނީ ރައްދުދެއްވާފަ އެވެ. މުހްތާޒު ވިދާޅުވީ އެމަނިކުފާނު ހުންނެވީ ރައްޔިތުންނާއި އެކު ރައީސް މުއިއްޒު ފަޅީގައި ކަމަށެވެ.
"ރައްޔިތުން ތިބި ފަޅި އެނގޭނީ ރައްޔިތުންނަށް. އެއީ ރައްޔިތުންގެ ތާއީދު ނެތް ޕާޓީތަކުގެ ވެރިންނަށް ވަޒަންކުރަން އެނގޭނޭ ކަމެއްނޫން. އަޅުގަނޑު ދިވެހީންގެ ރައީސް މުއިއްޒު ފަޅި." ރައީސް މުއިއްޒުގެ ކުރިމިނަލް އެޑްވައިޒަރުކަން ވެސް ކުރައްވާފައިވާ މުހްތާޒު ވިދާޅުވި އެވެ.
ޕީއެންއެފުން ބާއްވަމުން އަންނަ ޖަލްސާތަކުގައި އެ ޕާޓީން އަންނަނީ ސަރުކާރަށް ވަރަށް ބޮޑަށް ފާޑުކިޔަމުންނެވެ.
25%
ކަމުގޮސްފި
0%
އަޑުއެހިތާ މިހުރީ
75%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
