އަބްދުއްރަހީމް ވިދާޅުވީ ޕީއެންސީއަށް މެމްބަރުން އިތުރުކުރުމަށް މިހާރު ކުރަމުންދާ މަސައްކަތުގެ ދަށުން މިހާތްނަށް 60000 ވުރެ ގިނަ މެމްބަރުން ލިބިފައިވާކަމަށެވެ. އަދި ނިވެމްބަރު މެދަށް ދާއިރު ރައީސް ޑރ. މުއިއްޒު އެދިވަޑައިގެންނެވި 75،000 މެމްބަރުން ހަމަވާނެކަމުގެ ޔަގީންކަން އެބަ އޮތްކަމަށް އަބްދުއްރަހީމް ވިދާޅުވިއެވެ.
އަބްދުއްރަހީމް ވިދާޅުވީ ރާއްޖެ މިއޮތް ހާކަލަތުން އެހެން ހާލަތަކަށް ބަދަލުކޮށް ދިވެހިން އެދޭ ދިވެހިންގެ ރާއްޖެ ދިވެހިން އެދޭ ގޮތަށް ބިނާކުރުމަށް 10 ވަރަކަށް 15 ވަރަކަށް އަހަރު އެއްވެރިކަމެއް އޮންނަންޖެހޭކަމަށެވެ. އެހެންކަމުން އަމާޒަކީ ރައީސް ޑރ. މުއިއްޒުގެ ވެރިކަން ދެމިގެން ދާނެގޮތަށް މަސައްކަތްކުރުންކަމަށް ރައީސް މުއިއްޒުގެ އެޑްވައުޒަރުކަންވެސް ކުރައްވާފައިވާ އަބްދުއްރަހީމް އަބްދުﷲ ވިދާޅުވިއެވެ.
ނޮވެމްބަރު މަހުގެ ނިޔަލަށް ޕާޓީގެ މެމްބަރުންގެ އަދަދު 75 ހާހަށް އެރުވުމަށް ޕީއެންސީ އަންނަނީ މެމްބަރުން އިތުރުކުރުމަށް މުޅި ރާއްޖެއަށް ޓީމްތައް ބަހާލައިގެން މަސައްކަތް ކުރަމުންނެވެ.
