އެ ޕާޓީން މިރޭ ނެރުނު ބަޔާނެއްގައި ބުނީ ޗާގޯސްގެ ރަށްތަކުގެ ސިޔާދަތާ ގުޅޭގޮތުން ރާއްޖެއިން ޒަމާނުއްސުރެ ގެންގުޅެމުންދިޔަ ސިޔާސަތު ބަދަލު ކުރީ ނިމިދިޔަ ސަރުކާރުން ކަމަށާއި އޭގެ ސަބަބުން ރާއްޖެއަށާއި ދިވެހިންނަށް ލިބުނު ގެއްލުމާ މެދު ރައީސް ޑރ. މުހައްމަދު މުއިއްޒުގެ ސަރުކާރުން ވެސް މިހާތަނަށް ފިޔަވަޅު އަޅާފައި ނުވާތީ އިންތިހާއަށް ކަންބޮޑުވާ ކަމަށެވެ.
ޑިމޮކްރެޓްސްއިން ބުނީ ރައީސް މުއިއްޒުގެ ސަރުކާރުން ރާއްޖޭގެ އެ ނިންމުން އަލުން މުރާޖާ ކުރާނެ ބުނެފައިވާއިރު ޗާގޯސް ރަށްތަކުގެ ސިޔާދަތުގެ މައްޗަށް ދައުވާ ކުރުމުގެ ހައްގު އަލުން ހޯދުމަކީ އެމަނިކުފާނގެ ރިޔާސީ ވައުދެއް ކަމަށެވެ.
އެހެންނަމަވެސް މި ސަރުކާރުން އެކަމާ މެދު އެއްވެސް ފިޔަވަޅެއް ނާޅަނީސް އިނގިރޭސިވިލާތުގެ ސަރުކާރުން ޗާގޯސް، މޮރިޝަސްއާ ހަވާލު ކުރަން ނިންމާފައިވާކަން ޑިމޮކްރެޓްސްއިން ފާހަގަ ކުރި އެވެ.
މީގެ އިތުރުން މި ސަރުކާރުންވެސް މި މައްސަލައާއިއެދު އެއްވެސް ފިޔަވަޅެއް އަޅުއްވާފައި ނުވަނީސް، އިނގިރޭސިވިލާތުގެ ސަަރުކާރުން ޗާގޯސް މޮރިޝަޝް އާއިހަވާލުކުރުމަށް ނިންމިކަން މިހާރު ވަނީ އިއުލާނުކޮށްފައި ކަމަށާއި މިއީ ދައުވާކުރުމުގެ ހަައްގު ދިވެހިރާއްޖެއިން ދޫކޮށްލެއްވުމުގެ ސަބަބުން ދިވެހިރާއްޖޭގެ ސިޔާދަތަށް ލިބިގެންދާ ގެއްލުމެއް ކަމަށް ދެކޭކަަމަށް ޑިމޮކްރެޓްސް ޕާޓީން ބުނެފައިވެ އެވެ.
- އިތުރަށް ކިޔާލަން: އެމެރިކާގެ އަސްކަރީ ބޭސް ނުނަގާ، ޑިއެގޯ ގާސިއާ މޮރިޝަސް އާ ހަވާލުކޮށްފި
