ވެރިރަށް މާލޭގެ ހުރިހާ ސިނަމާއެއްގައި ހައުސް ފުލް ޝޯތައް ދެކުމަށްފަހު މި ފިލްމު މިހާރު އަންނަނީ އަތޮޅު ތެެރޭގައިވެސް ދައްކަމުންނެވެ. އެއާއި އެކު "ސެޓާން ސްޓޫޑިއޯ"އާއި "ކިޑް ޕްރޮޑަކްޝަން"ގެ މި މިވަނީ ރާއްޖެއިން ބޭރުގައިވެސް ދައްކާފަ އެވެ.
"ކަމަނާ"ގެ ޝޯއެއް ރޭގައި ވަނީ ތައިލެންޑުގެ ބެންކޮކުގައި ދައްކާފައެވެ. ބެންކޮކުގެ މެޓް ކޮންޑޮމިނިއަމްގެ ނުވަވަނަ ފަންގިފިލާގައި ދެއްކި މި ޝޯއަށް ބޮޑު ތަރުހީބެއް ވަނީ ލިބިފަ އެވެ. ތައިލެންޑުގައި ތިބި ދިވެހިންގެ އެދުމަށް އެ ގައުމުގައި "ކަމަނާ" ދެއްކިއިރު ގިނަ ބަޔަކު ވަނީ ފިލްމު ބަލާފަ އެވެ.
މި ފިލްމުގެ ލީޑް ރޯލުން ފެނިފައިވަނީ މަރިޔަމް އައްޒަ އާއި ކާމިޔާބު ތަރި ޔޫސުފް ޝަފީއު (ޔޫއްޕެ)އެވެ. އަދި ފިލްމުގައި މުހިއްމު ރޯލެއް އައިމިނަތު ރަޝްފާ (އާޝާ) ވެސް އަދާކޮށްފައިވެ އެވެ.
ފިލްމުގައި "ކަމަނާ" ގެ ރޯލުން ފެންނަ އައްޒަގެ އެކްޓިންނަށް ގިނަ ބަޔަކުވަނީ ތައުރީފުކޮށްފައެވެ. އަދި ޔޫއްޕެގެ ބަދަލެއް ނުވާ މޮޅު އެކްޓީން ހުނަރު މި ފިލުމުންވެސް އޭނާ ވަނީ އާއްމުންނާއި ހަމައަށް ގެނެސްދީފަ އެވެ.
ފިލްމުގައި ގެނެސްދެނީ ރުޅިގަދަ ހައިދަރުގެ (ޔޫއްޕެ) ހަޔާތައް އެހެން އަންހެން ކުއްޖެއް (އާޝާ) އައުމުން އޭނާ ނުހަނު ލޯބިވި އަދި އޭނާގެ އަލަތު ދަރިއަށް ބަލިވެއިން ލޯބިވާ ކަމަނާއަށް (އައްޒަ) ކުރިމަތިލާން ޖެހޭ ހިތާމައާއި ރަހުމްތެ ނެތް އަނިޔާތަކުގެ ވާހަކަ އެވެ.
