އިންޑިއާގެ ރައީސް ދުރޫޕަދީ މުރުމޫގެ ދައުވަތަކަށް ރައީސް ޑރ. މުއިއްޒު އެ ގައުމަށް ކުރައްވާ ރަސްމީ ދަތުރުފުޅުގައި މިއަދު ހެނދުނު ވަނީ ފުރާވަޑައިގެންފައެވެ.
މި ދަތުރުގައި އެމަނިކުފާނު ފުރަތަމަ ބައްދަލުކުރައްވާފައި މިވަނީ ގައުމުގެ އެކްސްޓާނަލް އެފެއާޒް މިނިސްޓަރު ޑރ. ސުބްރަމާނިއަމް ޖައިޝަންކަރުއެވެ
މި ބައްދަލުވުމުގައި ރާއްޖެ އާއި އިންޑިއާ ގުޅޭ މަސްލަހަތު ހިމެނޭ ގިނަ ކަންކަމަށް އެ ބައްދަލުވުމުގައި މަޝްވަރާ ކުރިކަމަށް ރައީސް އޮފީހުން ބުނެއެވެ.
ރައީސްގެ މި ދަތުރުގައި އިންޑިއާގެ ރައީސާއި ބޮޑު ވަޒީރު ނަރެންދްރަ މޯދީގެ އިތުރުން އެ ގައުމުގެ އިސް ވެރިންނާ ބައްދަލުކުރެއްވުމަށް ހަމަޖެހިފައިވެ އެވެ.
ރައީސް މުއިއްޒު، ޖައިޝަންކަރު އާ އެކު ބޭއްވި ބައްދަލު ކުރެއްވުގެ ތެރެއިން
ރައީސް މުއިއްޒުގެ އަރިހުގައި ވަޑައިގަތް، ދިވެހި ސަރުކާރުގެ މަތީ ފެންވަރުގެ ވަފުދުގައި ފޮރިން މިނިސްޓަރު ޑރ. އަބްދު ﷲ ހަލީލް އާއި ޑިފެންސް މިނިސްޓަރު މުހައްމަދު ގައްސާން މައުމޫނާއި ހޯމް މިނިސްޓަރު އަލީ އިހްސާން އާއި ފިނޭންސް މިނިސްޓަރު މޫސާ ޒަމީރާއި ހެލްތު މިނިސްޓަރު އަބްދު ﷲ ނާޒިމް އިބްރާހިމް އާއި އިކޮނޮމިކް މިނިސްޓަރު މުހައްމަދު ސައީދު ހިމެނިވަޑައިގަންނަވަ އެވެ.
މީގެ އިތުރުން، ޓޫރިޒަމް މިނިސްޓަރު އިބްރާހިމް ފައިސަލް އާއި ޓްރާންސްޕޯޓް މިނިސްޓަރު މުހައްމަދު އަމީނާއި އެޓާނީ ޖެނެރަލް އަހްމަދު އުޝާމް އާއި ކޮންސްޓްރަކްޝަން އެންޑް އިންފްރާ ސްޓްރަކްޗާ މިނިސްޓަރު ޑރ. އަބްދު ﷲ މުއްތަލިބްގެ އިތުރުން ޗީފް އޮފް ސްޓާފް އަބްދު ﷲ ފަޔާޒް އާއި ރައީސް އޮފީހުގެ ބައެއް އިސް ބޭފުޅުން ބައިވެރިވެވަޑައިގަތެވެ.
