އިންޑިއާގެ ބޮޑުވަޒީރު ނަރެންދުރަ މޯދީއާއެކު ބޭއްވި ރަސްމީ ބައްދަލުވުމަކަށްފަހު ދެއްވި ސްޓޭޓްމަންޓެއްގައި ރައީސް މި މަޢުލޫމާތު ހާމަކުރެއްވިއެވެ.
މި ޑޮކިއުމެންޓްގެ މައިގަނޑު މަގްސަދަކީ ދެ ޤައުމުގެ ދެމެދުގައި އިޤްތިސާދީ ގުޅުން އިތުރަށް ބަދަހިކުރުމާއި، މެރިޓައިމް ސެކިއުރިޓީގެ ދާއިރާއިން އެއްބާރުލުން އިތުރުކުރުން ކަމަށް ރައީސް މުއިއްޒު ވިދާޅުވިއެވެ. މީގެ އިތުރުން، ތަރައްޤީގެ މަޝްރޫޢުތަކަށް އެހީތެރިވުމާއި، ވިޔަފާރީގެ ގުޅުން ހަރުދަނާކުރުމާއި، ޑިޖިޓަލް އަދި މާލީ އިސްނެގުންތަކާއި، ހަކަތައިގެ މަޝްރޫޢުތަކާއި، ޞިއްޙީ ދާއިރާގެ ގުޅުންތައް ވެސް މި ޑޮކިއުމެންޓްގެ ދަށުން ހަރުދަނާކުރެވޭނެ ކަމަށް ރައީސް ފާހަގަކުރެއްވިއެވެ.
ރައީސް މުއިއްޒު އިތުރަށް ވިދާޅުވީ، މި އެއްބަސްވުމުގެ ސަބަބުން ދެ ޤައުމުގެ ދެމެދުގައި އޮތް ގުޅުން އިތުރަށް ބަދަހިވެގެންދާނެ ކަމަށެވެ. އަދި މީގެ ތެރޭގައި ދެ ގައުމުގެ އިސްވެރިން އެއް ގައުމުން އަނެއް ގައުމަށް ކުރާ ދަތުރުތައް އިތުރުވެގެންދާނެ ކަމަށް ވެސް ރައީސް ފާހަގަކުރެއްވިއެވެ. އިންޑިއާއަކީ ރާއްޖޭގެ ތަރައްގީއަށް ވަރަށް މުހިންމު ގައުމެއް ކަމަށާއި، ރާއްޖެއިން ބޭނުންވާ ކޮންމެ ކަމެއްގައި ވެސް އިންޑިއާއިން އެހީތެރިވާން ތައްޔާރަށް ހުންނަ ކަމަށް ރައީސް މުއިއްޒު ވިދާޅުވިއެވެ.
މި އެއްބަސްވުމުގެ ސަބަބުން ފަތުރުވެރިކަމުގެ ދާއިރާއަށް ވެސް ފައިދާތަކެއް ކުރާނެ ކަމަށް ރައީސް އުންމީދުކުރައްވާ ކަމަށް ވިދާޅުވިއެވެ. ހައްސަކޮށް އިންޑިއާގެ ފަތުރުވެރިން ރާއްޖެއަށް ޒިޔާރަތްކުރާ އަދަދު އިތުރުވެ، އޭގެ ސަބަބުން ދެ ޤައުމުގެ ދެމެދުގައި އޮތް ގުޅުން އިތުރަށް ބަދަހިވެގެންދާނެ ކަމަށް ރައީސް މުއިއްޒު ވިދާޅުވިއެވެ.
