އާދިއްތަ ދުވަހު ފެށުނު މި މުބާރާތުގައި ހަ ގައުމަކުން ވާދަކުރެއެވެ. އެއީ، ރާއްޖެއާ މުބާރާތް ހޯސްޓް ކުރާ ލަންކާގެ އިތުރުން، އުޒްބެކިސްތާނާއި، ކިރްގިސްތާނާއި، ނޭޕާލް އަދި ތުރުކުމެނިސްތާނެވެ. މި މުބާރާތުގައި ރެފްރީކަން ކުރާ ބައިނަލްއަގްވާމީ ނުވަ ރެފްރީންގެ ޓީމުގައި ހިމެނޭ ހަމަ އެކަނި ރެފްރީއަކީ ދިވެހި ތަޖުރިބާކާރު ރެފްރީ މަޖީދުއެވެ.
މި މުބާރާތުގައި ރެފްރީކަން ކުރާ ރެފްރީންގެ ތެރޭގައި ލަންކާގެ އިތުރުން ނޭޕާލް، ކިރްގިސްތާން، އުޒްބަކިސްތާނު އަދި ތުރުކުމަނިސްތާނުގެ ރެފްރީން ހިމެނެއެވެ.
މި މުބާރާތް ކުޅޭނީ ލީގު އުސޫލުންނެވެ. ލީގު އުސޫލުން ރައުންޑް ރޮބިން ބުރެއް ކުޅުމަށް ފަހު އެންމެ މޮޅުވާ ދެ ޓީމު ފައިނަލް ކުޅޭނީއެވެ. އަދި ތިންވަނަ އާއި ހަތަރުވަނައިގެ މެދުގައި ތިންވަނަ ހޮވާ މެޗެއް ކުޅޭނީއެވެ.
މި މުބާރާތުގައި ރާއްޖޭގެ 20 އަހަރުން ދަށުގެ ވޮލީ ޓީމުވެސް ކުޅެއެވެ.
