ކުރީގެ ދުނިޔޭގެ ޗެމްޕިއަން ބެޓް އުމުރުން 26 އަހަރުގައި މަރުވީ ކެންޔާގެ ބޮމެޓްގައި ބަލިވެ އުޅުމަށް ފަހުއެވެ. ރިޕޯޓްތައް ބުނާ ގޮތުން، މަނާ ބޭހުގެ މައްސަލައެއްގައި ސަސްޕެންޑް ކުރި ބެޓް މަރުވީ ބަނޑަށް ތަދުވާތީ މަހެއްހާ ދުވަހު އުޅުމަށް ފަހުއެވެ.
800 މީޓަރު ދުވުމުގެ ސްޕެޝަލިސްޓް 2016 ވަނަ އަހަރު ޖޫނިއާ ވޯލްޑް ޗެމްޕިއަންކަން ހޯދައި އޭގެ ފަހުން ޖެހިގެން އައި އަހަރު ލަންޑަނުގައި ބޭއްވި ސީނިއާ ވޯލްޑް ޗެމްޕިއަންޝިޕްގައި ރިހި މެޑަލް ހޯދި އެވެ. ނަމަވެސް 2018 ވަނަ އަހަރު އޭނާގެ ކެރިއަރު ހުއްޓުނީ ހަތަރު އަހަރުގެ ސަސްޕެންޝަނަކާ އެކުއެވެ. އޭގެ ފަހުން އޭނާއަށް އެނބުރި ދުވުމުގެ ތެރެއަށް ނާދެވެއެވެ.
"އޭނާ ބަލިވެ، ބަނޑުގައި ރިއްސުމުގެ ޝަކުވާ ކުރާތާ ގާތްގަނޑަކަށް މަހެއްހާ ދުވަސް ވެއްޖެ. ޑޮކްޓަރުން ބުނީ ފުރަމޭގެ މައްސަލައެއް ޖެހިގެން ހޮސްޕިޓަލަށް ވަދެ ނުކުމެ އުޅުނު ކަމަށް،" އޭނާގެ ކޮއްކޮ ޕިއުރިޓީ ކިރޫއީ ބީބީސީ ސްޕޯޓް އެފްރިކާ އަށް ކިޔައިދިނެވެ.
އެތުލެޓިކްސް ކެންޔާގެ އޮފިޝަލް ބާނާބާ ކޮރިރް ސިފަކުރެއްވި ގޮތުގައި ބެޓް އަކީ ދުނިޔޭގެ "އެންމެ ހުނަރުވެރި ހާފް މައިލަރުންގެ ތެރޭގައި ހިމެނޭ" އަދި އެތުލީޓެކެވެ.
