ބީސީސީން ބުނީ މި މާލީ އެހީތެރިކަން ފޯރުކޮށްދެނީ ކްރިއޭޓިވް އިކޮނޮމީ ފަންޑުގެ ދަށުންކަމަށެވެ.
މި ސްކީމަކީ މިޔުޒިކާއި ފިލްމު އުފެއްދުމުގެ އިތުރުން އާޓް އެންޑް ކްރާފްޓްގެ ގޮތުގައި ގިންތިކުރެވޭ އެކި އުފެއްދުންތަކާއި، މީޑިއާ ކޮންޓެންޓް އުފެއްދުންފަދަ ޕްރޮޖެކްޓުތަކަށް މާލީ އެހީ ފޯރުކޮށްދޭ ސްކީމެއްކަމަސް ބީސީސީން ބުނެއެވެ. އަދި މި ސްކީމުން މާލީ އެހީތެރިކަން ފޯރުކޮށްދެނީ އެކަމަށް ކަނޑައަޅާފައިވާ އުސޫލެއްގެ ދަށުންކަމަށްވެސް ބީސީސީން ބުނެއެވެ.
މި ސްކީމުން މާލީ އެހީތެރިކަން ހޯދަން އެދޭ މީހުން ޝަރުތުތައް
- އުމުރުން 18 އަހަރު ވެފައިވާ ދިވެއްސެއް ކަމުގައިވާ ވުން
- އެންމެ ކުދި ނުވަތަ ކުދި ފަންތީގެ ވިޔަފާރިއަކަށް ވުން
- ވިޔަފާރިތަކުގެ ދަފްތަރުގައި ނުވަތަ ބީސީސީން ބަލަހައްޓާ ދަފްތަރުގައި ހިމެނޭ ފަރާތަކަށްވުން
ބީސީސީން ބުނޯީ މި ސްކީމުން މާލީ އެހީތެރިކަން ހޯދަން އެދޭ ފަރާތްތަކުން އެކަމަށް އެދި ހުށަހެޅުމުގެ ފުރުސަތު މާދަމާއިން ފެށިގެން ހުޅުވާލާނެކަމަށެވެ.
އަމިއްލަ މަސައްކަތް ކުރާ ފަރާތްތަކުގެ ދަފްތަރުގައި އެ ކަމަށް ހާއްސަ ޕޯޓަލް މެދުވެރިކޮށް ދަފްތަރު ވުމުގެ ފުރުސަތު މިދިޔަ މަހުން ފެށިގެން ހުޅުވާލާފައިވާކަށާއި މި ޕޯޓަލްގެ ލިންކު www.bcc.mv އިން ފެންނަން ހުންނާނެކަމަށްވެސް ބީސީސީން ބުނެއެވެ.
