މި ޑޮކިއުމަންޓްރީ އަކީ 14 އޮގްސްޓުގައި ބެލްކަނިން ވެއްޓި ޒުވާނަކު މަރުވި ހާދިސާއަކާ ގުޅޭގޮތުން ހަދާފައިވާ ޑޮކިއުމަންޓްރީއެކެވެ. މި ޑޮކިއުމަންޓްރީ ގެނެސްދޭކަމުގެ އިޝްތިހާރު އެ ޓީވީން ދައްކަން ފެށުމުން ބްރޯޑްކޮމް އިން ވަނީ އެ ޑޮކިއުމަންޓްރީ ނުގެނައުމަށް އެދިފަ އެވެ.
ޗެނަލް-13 ހިންގާ ފަރާތަށް ބްރޯޑްކޮމް އިން ފޮނުވި ސިޓީގައި އަންގާފައިވަނީ، "ބެލްކަނީ"ގެ ނަން ދީފައިވާ އެ ރިޕޯޓު އާއްމުނުކޮށް، ނޫސްވެރިކަމުގެ ސުލޫކީ މިންގަނޑާ އެއްގޮތަށް އަމަލު ކުރުމަށެވެ.
އެކަމަކު ބްރޯޑްކޮމްގެ މި އެންގުމާ ހިލާފަށް، ޗެނަލް-13 އިން ރޭ ވަނީ އެ ރިޕޯޓު އާއްމުކޮށްފަ އެވެ. އެހެންވެ، އެ މައްސަލަ މިއަދު އެ ކޮމިޝަނުން ބަލަން ފަށާފައިވާ ކަމަށް އެތަނުން ބުންޏެވެ.
މި މައްސަލަ ބްރޯޑްކޮމް އިން ބަލަނީ އަވަސް މައްސަލައެއްގެ ގޮތުގައެވެ.
ބްރޮޑްކޮމްއިން އެގޮތަށް އިލްތިމާސްކުރީ އަންހެން ކުއްޖާގެ އާއިލާގެ ފަރާތުން ކަންބޮޑުވުންތަކެއް ފުލުހަށް ހިއްސާ ކޮށްފައިވާތީ، އެ އިދާރާގެ ފަރާތުން އެކަން ކޮމިޝަނުގެ ސަމާލު ކަމަށް ގެނައުމުންނެވެ.
