މި ހާދިސާގައި ހިނގާފައިވަނީ މި އަހަރުގެ ޖުލައި މަހުގެ 24 ވަނދުވަހުގެ ވަގުތެއްގައެވެ. މި މައްސަލާގައި ހައްޔަރުކޮށްފައިވާ ތިން މީހުން ޝަރީއަތް ނިމެންދެން ބަންދުގެ މުއްދަތު ޖަހާފައިވާކަމަށް ފުލުހުން ބުނެއެވެ.
މި މައްސަލާގައި ދައުވާކޮށްފައިވަނީ
- މއ. މަސްފަން އުމުރުން 43 އަހަރުގެ ޢާއިޝަތު
- މއ. މަސްފަން އުމުރުން 27 އަހަރުގެ މުޙައްމަދު ރީހާން
- ސ. ހިތަދޫ / ސޯމާ، އުމުރުން 35 އަހަރުގެ ޝަފީޤު އިބްރާހީމް
ޕީޖީ އޮފީހުން ބުނީ މި ތިން މީހުންގެ މައްޗަށް އުފުލާފައިވަނީ މީހަކަށް އަނިޔާއެއް ދިނުމުގެ ކުށުގެ ދައުވާއާއި އެނގި ހުރެ ހުއްދަ ނޫން ގޮތެއްގައި މައުލޫމާތު ހޯދުމުގެ ކުށުގެ ދައުވާގެ އިތުރުން ފޭރުމުގެ ކުށުގެ ދައުވާއެވެ.
ފުލުހުން ބުނީ މި ތިން މީހުން ވެގެން މއ. މަސްފަން ގެއަށް ދިވެހި ފިރިހެނަކު ވައްދައި، އެމީހާއަށް ވަޅިން ބިރުދައްކައި އޮރިޔާންކޮށް، އަނިޔާކޮށް، އޭނާގެ މޯބައިލް ފޯނުއަތުލައި އޭނާގެ ބެންކު އެކައުންޓުން ފައިސާ ޓްރާންސްފާކުރުވައި އަދި އޭނާގެ ކޭޝްކާޑު ބޭނުންކޮށްގެން އޭޓީއެމްއިން ފައިސާ ނަގާފައިވާކަމަށެވެ.
