ބީއެމްއެލްގެ ސީއީއޯގެ މަގާމު ހުސްވީ އެ މަގާމުގައި ކުރިން
ހުންނެވި ކާލް ސްޓުމްކަ މިދިޔަ މަހުގެ 9 ވަނަ ދުވަހު މަގާމުން އިސްތިއުފާ ދެއްވުމުންނެވެ.
ބީއެމްްެއެލްއަށް އާ ސީއޯއަކު ހޯދުމަށް މިދިޔަ މަހު 22 ވަނަ ދުވަހު ހުޅުވާލި ފުރުސަތު އިއްޔެ ވަނީ ހަމަވެފައެވެ.
ބޭންކުގެ ސީއީއޯކަމަށް ހުޅުވާލުމުން ކުރިމަތި ލެއްވި ހަމައެކަނި ދިވެއްސަކީ މުހައްމަދު ޝަރީފްއެވެ. ޝަރީފް ވަނީ ބީއެމްއެލްގެ ޑެޕިއުޓީ ސީއީއޯކަން މީގެ ކުރިން ކުރައްވާފައެވެ.
އެނގިފައިވާ ގޮތުގައި ބޭންކުން ވަނީ ޝަރީފާއި އިންޓައުވިއުވެސް ކޮށްފައެވެ.
ޝަރީފް ބީއެމްއެލްގެ ސީއީއޯ ކަމަށް އައްޔަންކޮށްފިނަމަ އެކަން ވެގެންދާނީ މިފަހުގެ ތާރީހެއްގައި ދިވެއްސަކު އެ ބޭންކުގެ ސީއީއޯގެ މަގާމާ އައްޔަންކުރާ ފުރަތަމަ ފަހަރަށެވެ.
ޝަރީފް ބީއެމްއެލްއާ ގުޅިވަޑައިގަތީ 1995އަހަރުއެވެ ބީއެމްއެލްގައި 25 އަހަރަށް ވުރެ ގިނަ ދުވަހު ހިދުމަތް ކުރެއްވުމަށް ފަހު
ބޭންކުން ޝަރީފް އިސްތިއުފާދެއްވީ 2020 ވަނަ އަހަރުއެވެ. އޭރު އޭނާ ހުންނެވީ ޑެޕިއުޓީ ސީއީއޯގެ މަގާމުގައެވެ.
