ހަވަނަ ކެރަމް ވޯލްޑްކަޕް އޮތީ އެމެރިކާގެ ކެލިފޯނިއާ ސްޓޭޓުގެ ސެން ފްރެންސިސްކޯ ބޭ އޭރިއާގައެވެ. މި މުބާރާތުގެ ޓީމު އިވެންޓުން ދިވެހި އަންހެން އަދި ފިރިހެން ޓީމުންވަނީ ލޯ މެޑެލް ހޯދާފައެވެ.
ކެރަމް ޓީމު އެމެރިކާއަށް ދަތުރު ކުރުމަށް ދައުލަތުން އެއް މިލިއަން ރުފިޔާ ހަރަދުކުރިން ކުޅިވަރު މިނިސްޓްރީން ހާމަކުރީ، ކެރަމް ޓީމު އެމެރިކާއަށް ކުރި ދަތުރުގެ ހަރަދުތަކުގެ ތަފްސީލް ހޯދުމަށް، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން ހުށަހެޅި ހުށަހެޅުމަށް މިނިސްޓްރީން ދިން ޖަވާބުގައެވެ. މިނިސްޓްރީން ބުނީ، ކެރަމް ޓީމު އެމެރިކާއަށް ދިޔުމަށް މިނިސްޓްރީން އެއް މިލިއަން ރުފިޔާ ދިން ކަމަށެވެ. އެކަމަކު އޭގެ ތަފްސީލެއް މިނިސްޓްރީން ނުދެއެވެ.
ކެރަމް ވޯލްޑް ކަޕުން ރާއްޖޭގެ ފިރިހެން ޓީމު ލޯ މެޑެލް ހޯދީ ސިންގަޕޫރު ބަލިކުރުމަށްފަހުއެވެ. އަންހެން ޓީމު ލޯ މެޑެލް ހޯދީ މުބާރާތް ބާއްވާ ގައުމު ކަމަށްވާ އެމެރިކާ ބަލިކުރުމަށްފަހުއެވެ.
ކެރަމް ވޯލްޑްކަޕަށް އެމެރިކާއަށް ދިވެހި ޓީމު ދަތުރު ކުރުމަށް އެއް މިލިއަން ރުފިޔާ ދައުލަތުން ހަރަދު ކުރިއިރު. މީގެ ކުރިން މި މުބާރާތް ދިވެހިރާއްޖޭގައިވެސް ބާއްވާފައިވެއެވެ.
