ސިޔާމާއި ޒަރާގެ ރަން ކިޔުމުގެ ހަފްލާގެ ވިޑިއޯއެއް މިހާރު ވަނީ ސޯޝަލް މީޑިއާގައި އާއްމުވެފައެވެ. ގިނަ ބައއްގެ ސަމާލުކަމަށް މި ވީޑިއޯ ވަނީ އައިސްފައެވެ.
މި ވީޑިއޯއިން ފެންނަނީ ރިސޯޓެއްގައި އަތިރިމަތީގައި އޮތް ހަފްލާއެކެވެ. އެ ހަފްލާގައި ހުރި ބެކް ޑްރޮޕްގައި ވަނީ 'ރަން ކިއުމުގެ ދަރުބާރު' މިހެން ޖަހާފައެވެ.
މި ހަފްލާގައި ހުދު ލިބާހެއްގައި ހުރި ޒާރާ އޭނާގެ ހިތިގައި ސިޔާމާއި މެދު އޮތް ވާހަކަތައް އޮއްސާލީ އަސަރުގަދަ ލަވައަކުންނެވެ.
ޒާރާގެ ލަވައިގެ އޭނާ ބުނަމުން ދަނީ "ފުން ލޯތްބާއި ޖަންނަތު ތިއީ އޭ ހިތްއެދޭ، ލޯތްބާ އަޅާލުން ހިތްވަރާއި، މި ހަޔާތަށް ދޭށޭ މިއީ އޭ ދުއާ،" މިހެންނެވެ. ޒާރާ ލަވަކިޔަމުންދިޔައިރު ހިނތުންވުމާއި އެކު ސިޔާމް އެލަވަ އަޑުއަހަން އިންނެވިއެވެ.
ޒަރާގެ ލަވަކިޔަމުންދާއިރު ހިތްހަމަޖެހި އުފަލުން އިންނެވި ސިޔާމް ޒާރާގެ އަސަރުގަދަ ލަވަކަމުދާކަން ބުނެދޭން އޭނާގެ އަތުން އިޝާރާތްކޮށްލާތަން ވީޑިއޯއިން ފެނެއެވެ.
ޒާރާގެ ލަވަ ކަމުދާކަން އަންގާލަން ސިޔާމް އޭނާގެ އަތުން އިޝާރާތްކޮށްލަނީ
ޒާރާ އާއި ސިޔާމްގެ ކައިވެނި ކުރަން ނިންމާފައިވަނީ މާދަމާއެވެ. މި ހަފްލާ ބޭއްވުމަށް ހަމަޖެހިފައިވަނީ ސިޔާމްގެ ކ. އޮޅުވެލި ރިސޯޓުގައެވެ.
ސަން ސިޔާމްގެ އެންމެ ފަހުގެ ކައިވެންޏަކީ މޮރޮކޯއަށް ނިސްބަތްވާ އަނބިކަނބަލުންނާ އެކު 2019 ގެ ކުރީކޮޅު ކުރި ކައިވެންޏެވެ. މި ކައިވެންޏަށް އެ ދެ މަފިރިންނަށް އެއްމާބަނޑު ދެ ފިރިހެން ކުދިން ވަނީ ލިބިފައިވެއެވެ
