ގައުމީ ތަރައްގީގެ މާސްޓާ ޕްލޭން އެކުލަވާލުމުގެ މަސައްކަތް ފެށިފައިވާ ދަނޑިވަޅެއްގައި މިނިސްޓަރު މި ވާހަކަ ދެއްކެވީ ނޫސްވެރިންނާ ބައްދަލުކުރެއްވި ބައްދަލުވުމެއްގަ އެވެ.
މިނިސްޓަރު ވިދާޅުވި ގޮތުގައި މި ޕްލޭން އެކުލަވާލުމުގައި ރާއްޖޭގެ ގުދުރަތީ ވަސީލަތްތަކާއި، އެ ވަސީލަތްތައް ބޭނުންކުރެވިދާނެ ގޮތްތަކާއި، އަދި އެ ވަސީލަތްތައް ހިމާޔަތްކޮށް ދެމެހެއްޓުމަށް ކުރެވިދާނެ ކަންކަމަށް އަލިއަޅުވާލެވޭނެ އެވެ.
ރައްޔިތުންގެ ބައިވެރިވުން ހޯދުމަށްޓަކައި ރާއްޖޭގެ ރަށްރަށަށް ޒިޔާރަތްކޮށް، ރައްޔިތުންނާ އިންޓަވިއުކޮށްގެން މައުލޫމާތު އެއްކުރުމަށް ރޭވިފައިވާ ކަމަށް މިނިސްޓަރު ހާމަކުރެއްވި އެވެ.
މި މާސްޓަރ ޕްލޭން އެކުލަވާލުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ. މިދިޔަ މަހުގެ 17 ވަނަ ދުވަހު ވަޒީރުންގެ މަޖިލީހުގެ ލަފާފުޅާއެކު މި މަސައްކަތް ފެށުމަށް ނިންމަވާފައިވާކަމެވެ. ރައީސް މުއިއްޒު ވެސް ވަނީ މި މަސައްކަތުގައި ހުރިހާ ފަރާތްތަކެއްގެ ފުރިހަމަ ބައިވެރިވުން ލިބިގެން ކުރިއަށް ދިއުމަށް އެދިވަޑައިގެންފަ އެވެ. މި ޕްލޭނަކީ ރައްޔިތުންގެ އެއްޗަކަށް ހެދުމަށް ސަރުކާރުން މަސައްކަތްކުރާކަން މިނިސްޓަރުގެ ބަސްފުޅުން ހާމަވެ އެވެ.
