އީސްޓް ބެންގޯލްއަކީ އިންޑިއާގެ ފުޓްބޯޅައިގެ ހިތް ކަމަށް ބެލެވޭ ކަލްކަތާ އަށް ނިސްބަތްވާ ދުވަސްވީ ޓީމެކެވބެ. އީސްޓް ބެންގާލަކީ އިނގިރޭސިންގެ ދަށުގައި އިންޑިއާ އޮތްއިރު 1920 ވަނަ އަހަރު އުފެދުނު ކްލަބެކެވެ. އީސްޓް ބެންގާލުން ވަނީ އިންޑިއާގެ ލީގު ޗެމްޕިއަންކަން ތިން ފަހަރު، ފެޑެރޭޝަން ކަޕް ތިން ފަހަރު، އަދި ކަލްކަތާ ފުޓްބޯޅަ ލީގު 39 ފަހަރު ހޯދައިފަ އެވެ. އީސްޓް ބެންގޯލަކީ ކަލްކަތާގެ އެންމެ ވަރުގަދަ އެއް ޓީމެވެ.
އޮސްކާ ބަންގްލަދޭޝްގެ ބަޝަންދުރާ ކިންގްސްއިން ވަކިވީ ހަ އަހަރު ދުވަހު އެ ކްލަބަށް ކޯޗުކޮށްދިނުމަށް ފަހުއެވެ.2019 ވަނަ އަހަރު، ނިއުރޭޑިއަންޓުގައި ހުރުމަށް ފަހު ބަންގްލަދޭޝްއިން ލިބުނު ފުރުސަތެއްގައި އެ ގައުމުގެ ބަޝަންދުރާ ކިންގްސްއާ ހަވާލުވި ކޯޗު އޮސްކާ ބުރޫޒޯންގެ އިރުޝާދުގެ ދަށުން ބަޝަންދުރާއިން ވަނީ ހަ އަހަރުގެ ތެރޭގައި ޖުމްލަ 11 ޓްރޮފީ ހޯދާފައެވެ. އޭނާއަކީ ބަންގްލަދޭޝްގެ ތާރީޚުގައިވެސް އެ ގައުމަށް ކޯޗުކޮށްދިން އެންމެ މޮޅު އެއް ކޯޗެވެ.
އޮސްކާވަނީ ރާއްޖޭގައި ހޭދަ ކުރި އެއް އަހަރުގެ ތެރޭގައި ރާއްޖޭގެ އެއްވަނަ ޑިވިޝަނުގައި ހުރިހާ މުބާރާތެއް ނިއުރޭޑިއަންޓަށް ކާމިޔާބުކޮށްދީފައެވެ. އެއީ އެފްއޭކަޕާ، ޕްރިމިއަރ ލީގު އަދި އޭރު ކުޅޭ މާލޭ ލީގުގެ އިތުރުން ޗެރިޓީ ޝީލްޑެވެ. އޮސްކާ ރާއްޖޭގައި ހޭދަކުރި އަހަރުގެ އެންމެ މޮޅު ކޯޗުގެ މަގާމުވެސް އޭނާވަނީ ހޯދާފައެވެ.
އޮސްކާގެ އިރުޝާދުގެ ދަށުން ކުޅޭ ބަޝަންދުރާ ކިންގްސްވަނީ އޭއެފްސީ ޗެމްޕިއަންސް ލީގުގެ ޕްލޭ އޮފުން ފުރުސަތު ހޯދާފައެވެ.
