މި ބައްދަލުކުރެއްވުން އޮތީ މިއަދު ހެނދުނު ރައީސްގެ އޮފީހުގަ އެވެ.
މި ބައްދަލުކުރެއްވުމުގައި ކައުންސިލުން ފާހަގަކުރެއްވި ކަންކަމުގެ ތެރޭގައި ރަށުގައި މިހާރު އޮތް ބޮޑު ހުސްބިމެއްގައި އެރަށުގެ ރައްޔިތުންނަށް އާމްދަނީ ލިބޭނެ ޕްރޮޖެކްޓެއް ފަށައިދިނުމަށާއި، އޭޓީއެމްގެ ހިދުމަތް އަވަހަށް ފެށޭނެގޮތް ހެދުމާއި، ޕޮލިސް ސްޓޭޝަނެއްގެ ބޭނުންތެރިކަމާއި، ރަށުގެ އިންޖީނުގެ މީހުން އުޅޭ ސަރަހައްދުން ދުރުގައި ގާއިމުކުރުންފަދަ ކަންކަން ހިމެނެ އެވެ.
މީގެ އިތުރުން ކައުންސިލަރުން ވަނީ އިންޑޯ ކުޅިވަރުތައްފަދަ ރަށުގެ ޒުވާނުންގެ ތަރައްގީއަށް މުހިންމުކަންތައްތައް ވެސް ފާހަގަކުރައްވާފަ އެވެ.
މި ބައްދަލުކުރެއްވުމުގައި ނައިބު ރައީސް ދެއްކެވި ވާހަކަފުޅުގައި ކައުންސިލުން ފާހަގަކުރެއްވި ކަންކަމުގެ ތެރެއިން ރަށުގެ ތަރައްގީއަށް އެންމެ މުހިންމު ކަންކަމަށް އިސްކަންދެއްވައިގެން އެކަންކަން ހައްލުކޮށްދެއްވުމަށް މަސައްކަތްކުރައްވާނެކަމުގައި ވިދާޅުވި އެވެ.
މީގެ އިތުރުން ކައުންސިލުން ފާހަގަކުރެއްވި ކަންކަން، ކަމާގުޅުންހުރި އިދާރާތަކާ ގުޅިގެން ބައްލަވައިދެއްވާނެކަމުގައި އެމަނިކުފާނު ވިދާޅުވި އެވެ.
