މި ދުވަސް ފާހަގަކުރުމުގެ ގޮތުން އުރީދޫގެ އިސްވެރިންނާއި މުވައްޒަފުން ވަނީ އެކި ހަރަކާތްތަކެއް ހިންގާފަ އެވެ.
އުރީދޫގެ ސީނިއަރ މެނޭޖްމަންޓާއި އެގްޒެކެޓިވުން ވަނީ ކަސްޓަމަރ ސަރވިސް ސެންޓަރުތަކަށާއި، ބިޒްނަސް ޕާޓްނަރުންގެ ފިހާރަތަކަށާއި، އުރީދޫގެ އެކި ހިދުމަތްދޭ ތަންތަނަށް ޒިޔާރަތްކޮށްފަ އެވެ. މި ޒިޔާރަތްތަކުގެ މައިގަނޑު މަގުސަދަކީ ކަސްޓަމަރުންގެ ބޭނުންތަކާއި ކަންބޮޑުވުންތައް އިތުރަށް ދެނެގަތުމެވެ.
އުރީދޫގެ ސީއީއޯ ހާލިދު އަލް ހަމާދީ ވަނީ ސޯޝަލް މީޑިއާގައި ކަސްޓަމަރުންގެ ސުވާލުތަކަށް ޖަވާބުދީ، އަދި އެމީހުންގެ ފީޑްބެކް އަޑުއަހާފަ އެވެ. މީގެ އިތުރުން އުރީދޫގެ އެހެން އިސްވެރިންވެސް ވަނީ އެކި އައުޓްލެޓްތަކަށް ޒިޔާރަތްކޮށް ކަސްޓަމަރުންނާ ބައްދަލުކޮށްފަ އެވެ.
މި ހަރަކާތްތަކުގެ ސަބަބުން އުރީދޫއަށް ވަނީ ކަސްޓަމަރުންގެ ކަންބޮޑުވުންތަކަށް ހައްލު ހޯދައިދީ، އަދި ކަސްޓަމަރުންގެ ތަޖުރިބާ އިތުރަށް ފުރިހަމަ ކުރެވޭނެ އާ ގޮތްތައް ދެނެގަނެވިފަ އެވެ. އުރީދޫގެ އަމާޒަކީ މި މައުލޫމާތުގެ އަލީގައި އެ ކުންފުނީގެ ހިދުމަތްތައް ދެމެހެއްޓެނިވި ގޮތެއްގައި ރަނގަޅުކޮށް، މުޖުތަމައުގެ ބޭނުންތައް ފުއްދައިދޭ އައު ހައްލުތައް ހޯދުމެވެ.
