މީރާއިން ބުނީ މި އަދަދަކީ މިދިޔަ އަހަރުގެ ސެޕްޓެމްބަރު މަހު ލިބުނު އާމްދަނީއަށް ވުރެ 93.1 އިންސައްތަ މަތީ އަދަދެއްކަމަށެވެ. އަދީ މީ މި ސެޕްޓެމްބަރު މަހު ލިބޭނެކަމަށް އަންދާޒާކުރި އަދަދަށްވުރެ 28.7 އިންސައްތަ އިތުރު އަދަދެއްކަމަށްވެސް މީރާއިން ބުނެއެވެ،
މީރާއިން ބުނީ މިދިޔަ އަހަރާ އަޅާބަލާއިރު މިއަހަރު ސެޕްޓެމްބަރު މަހުގެ އާމްދަނީ އިތުރުވެފައި ވަނީ، ޖީޖީއެސްޓީ، ޓީޖީއެސްޓީ އަދި ރިޒޯޓުތަކުގެ ކުލީގެ ގޮތުގައި ލިބިފައިވާ އާމްދަނީ އިތުރުވުމުގެ ސަބަބުން ކަމަށެވެ. އަދަި 2023 ވަނަ އަހަރު ޖީއެސްޓީއާއި ރިސޯޓްތަކުގެ ކުލި ދެއްކުމުގެ ސުންގަޑި ސަރުކާރު ބަންދުދުވަހާއި ދިމާވުމަކީވެސްމި އަހަރުގެ ސެޕްޓެމްބަރުމަހު ލިބުނު އާމްދަނީ އިތުރުވި ސަބަބެއްކަމަށްވެސް މީރާއިން ބުނެއެވެ.
މިދިޔަ މަހު މީރާއަށް ބަލައިގަތް އާމްދަނީގެ އެންމެ ބޮޑު ބައެއް ހިއްސާއަކީ ޖީއެސްޓީ އެވެ. އެއީ 1.02 ބިލިއަން ރުފިޔާއެވެ. އެއީ މިިދިޔަ މަހު ލިބުނު އާމްދަނީގެ 44.5 އިންސައްތައެވެ.
ދެން އެންމެ ބޮޑު އާމްދަނީއެއް ލިބިފައިވަނީ ޓޫރިޒަމް ލޭންޑް ރެންޓުންނެވެ. އެއީ 360.78 މިލިއަން ރުފިޔާއެވެ. މީގެއިތުރުން ލީޒް ޕީރިއަޑް އެކްސްޓެންޝަން ފީ ގެ ގޮތުގައި 229.95 މިލިއަން ރުފިޔާ ވަނީ ލިބިފައެވެ. އަދި އާމްދަނީ އިން ނަގާ ޓެކުހުގެ ގޮތުގައި 147.99 މިލިއަން ރުފިޔާ، އެއާޕޯޓް ޑިވެލޮޕްމަންޓް ފީގެ ގޮތުގައި 101.78 މިލިއަން ރުފިޔާ، އަދި އެހެނިހެން ޓެކުހާއި ފީގެ ގޮތުގައި 409.95 މިލިއަން ރުފިޔާ ލިބިފައިވާކަމަށް މީރާއިން ބުނެއެވެ.
މިދިޔަ މަހު މީރާ އަށް ބަލައިގަނެފައިވާ އާމްދަނީގެ ތެރޭގައި 102.05 މިލިއަން ޑޮލަރު ހިމެނޭކަމަށްވެސް މީރާއިން ބުނެއެވެ.
