ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) ވޮލީބޯލް ޗެލެންޖް ކަޕް އޮންނަނީ މި މަހުގެ 18 އިން 24 އަށް އުޒްބެކިސްތާނުގެ ޓަޝްކެންޓުގައެވެ.މި މުބާރާތުގައި ހަ ގައުމެއް ވާދަކުރެއެވެ. އެއީ ރާއްޖޭގެ އިތުރުން އުޒްބެކިސްތާނާއި، ކިރްގިސްތާނާއި، ތަޖިކިސްތާނާއި، ތުރުކުމެނިސްތާން އަދި އަފްޣާނިސްތާނެވެ.
މި މަހުގެ 18 ގައި ފެށޭ މުބާރާތަށް ދިވެހި ޓީމު ހަފްތާއެއް ކުރިން ފުރީ، މުބާރާތުގެ ކުރިން އެ ގައުމުގެ ކުލަބުތަކާ ދެކޮޅަށް އެކުވެރިކަމުގެ ހަތަރު މެޗު ކުޅުމަށް ރާވައިގެންނެބވެ.
މި މުބާރާތުގައި ވާދަކުރާ ގައުމީ ޓީމުގެ ކެޕްޓަނަކީ ތަޖުރިބާކާރު ކުޅުންތެރިޔާ އިސްމާއީލް ސާޖިދު (ކުޑަ ކާއްޓޭ) އެވެ. އަދި ޓީމުގެ ކޯޗަކީ ތަޖުރިބާކާރު ކޯޗު މުޙައްމަދު ޝަރަފެވެ. ޝަރަފްގެ ދަށުން މަސައްކަތް ކުރަން ހަމަޖައްސާފައިވަނީ ކުރީގެ މަޝްހޫރު ދެ ކުޅުންތެރިން ކަމަށްވާ އަޙްމަދު އަބްދުލް ކަރީމް (ލޯންގޭ) އާއި އަބްދުﷲ ޖުނައިދެވެ.
