ނަމަވެސް އޭނާ އަށް އަދިވެސް އެ މާވަހަރު ޓެސްޓު ނުކުރެވޭ ކަމަށާއި، ރާއްޖޭގައި މާވަރު ޓެސްޓު ކުރާނެ ގޮތެއް ނެތްކަމަށް ބުނެ ޗިންޗޮން ކަންބޮޑުވުން ފާޅުކޮށްފިއެވެ.
އޭނާ ބުނީ ދިވެހިރާއްޖޭގެ 99 ޕަސަންޓަކީ ފެން ކަމަށްވާއިރު، ރާއްޖޭގައި ކާންވީ މަހަކީ ނުކާންވީ މަހަކީ ކޮބައިކަންވެސް އަދިވެސް ނޭގޭކަމަށެވެ.
އޭނާ ބުނީ މާވަހަރު ޓެސްޓު ކުރުމުގެ ކަންކަން ސަރުކާރުން ކޮށްދޭނަމަ ޓެސްޓުކުރާ މުއްދަތުގައި މާވަހަރު ފަދަ ތަކެތީގެ ރައްކާތެރިކަންވެސް ކަށަވަރުވާނެކަމަށާއި، މީޑިއާފަދަ ތަންތަނަށް އަމިއްލަ ފަރުދުންނަށް އޭރުން ވާހަކަވެސް ދައްކަން ނުޖެހޭނެކަމަށެވެ.
ނަމަވެސް މިހާރު އޭނާ އެއީ މާވަހަރެއްތޯ ޓެސްޓުކުރަން އަންނަހާ ބަޔަކަށް އޭތި ދައްކަން ޖެހޭކަމަށާއި، ގެސްޓުންނަށްވެސް މާވަހަރު ދައްކަން ޖެހޭކަމަށް އޭނާ ބުންޏެވެ.
ކ. މާފުށީގައި ވޯޓާ ސްޕޯޓްސްގައި މަސައްކަތް ކުރަމުންދާ ސޯޝަލް މީޑިއާ އިންފްލުއެންސަރު އާސިމް ވަހީދު (ޗިންޗޮން) އަށް މާވަހަރު ފެނުނީ ކޮފީ ބުއިމަށްފަހު އަތިރިމައްޗަށް ހިނގާލަން ދިޔުމުންނެވެ. ޗިންޗޮން ބުނީ މާވަހަރު ލިބުނީ އެ ދުވަހު ހެނދުނު 6:30 ހާއިރު ކަމަށެވެ.
މިދިޔަ އަންގާރަ ދުވަހު ހޮވި މާވަރު ޓެސްޓު ކުރެވޭނެ ގޮތެއް ހޯދަމުން އަންނައިރު، ޗިންޗޮން ހުރީ ރާއްޖޭގައި މިފަދަ ކަންކަމުގެ ދަތިކަމުގެ ސަބަބުން ވަރަށް ބޮޑަށް ނުތަވަސްވެ، މާޔޫސްވެފައެވެ.
