މަޖިލީހުގެ ތިން ވަނަ ދައުރުގެ ޖަލްސާތައް ފަށަން ނިންމާފައި ކުރިން އޮތީ މިމަހުގެ 7 ވަނަދުވަހުއެވެ. އެހެންނަމަވެސް ޖަލްސާތައް ބްރޯޑްކާސްޓް ކުރަން އާ ވީޑިއޯ ރޫމްއެއް ގާއިމް ކުރުމުގެ މަސައްކަތް ކުރިއަށް ދާތީ ބްރޯޑްކާސްޓު ކުރަން ދަތިތަކެއް ހުރުމުން މަޖިލީހުގެ ރައީސް އަބްދުއްރަހީމް އަބްދުﷲ ވަނީ ޖަލްސާތައް ފެށުން ހަފްތާއަކަށް ފަސްކޮށްފައެވެ.
ވަޒީރުންގެ މަޖިލީހަށް ގެނައި ބަދަލާއި އެކު އެ ވަޒީރުންނަށް ރުހުދިނުމަށް ރައިސް އޮފީހުން މަޖިލިހަށް ވަނީ ފޮނުވާފައެވެ. އެ މައްސަލަ ދިރާސާ ކޮށް ގޮތެއް ނިންމުމަށް އެ މައްސަލައާ ގުޅޭ ދާއިމީ ކޮމިޓީއަށް ފޮނުވުމަށް ވަނީ ތާވަލުކޮށްފައެވެ.
މީގެއިތުރުން އިންޑިޔާއަށް ރާއްޖެއިން ކަނޑައަޅުއްވާފައި ހުންނަވާ ސަފީރު ހަމަޖެއްސުމަށް ރައީސް ފޮނުއްވި ނަން ކޮމެޓީއަށް ފޮނުވުމަށް ވަނީ ތާވަލުކޮށްފައެވެ. އިލެކްޝަންސް ކޮމިޝަނަށް މެމްބަރުކަމަށް އައްޔަންކުރަން ރައީސް ފޮނުވާފައިވާ ނަންވެސް މާދަމާ މަޖިލީހަށް އިއްވާ ކޮމެޓިއަށް ފޮނުވުމަށް ވަނީ ތާވަލުކޮށްފައެވެ.
ރައްޔިތުން މަޖިލީހުގެ ޖަލްސާތައް މާދަމާ ފަށާއިރު އިންޓަ-ޕާލަމެންޓަރީ ޔޫނިއަން (އައިޕީޔޫ) ގެ 149 ވަނަ އެސެމްބްލީގައި ބައިވެރިވެވަޑައިގަތުމަށް، ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ މިއަދު ވަނީ ޖެނީވާއަށް ފުރާވަޑައިގެންފައެވެ.
