އެ ބޭންކުގެ ވެބްސައިޓުގައި ވަނީ މެންބަރު 17 ގައުމެއްގައި ހިންގުމަށް 20 ޕްރޮޖެކްޓެއް އެޕްރޫވް ކުރިކަން ހާމަކޮށްފަ އެވެ. އެއީ ތިން ބިލިއަން ޑޮލަރުގެ އަގުހުރި މަޝްރޫއުތަކެއް ކަމަށް ހާމަކޮށްފައިވެ އެވެ.
ސާކްގެ ގައުމުތަކުގެ ތެރެއިން ރާއްޖޭގެ އިތުރުން ހިމެނެނީ ޕާކިސްތާން އެވެ. މީގެ ތެރެއިން ގިނަ ގައުމުތަކަކީ ތަރައްގީވަމުން އަންނަ ގައުމުތަކެވެ.
ރާއްޖެއަށް ދިނުމަށް އައިއެސްޑީބީން އެޕްރޫވް ކުރި ލޯނަކީ 64.65 މިލިއަން ޑޮލަރުގެ ލޯނެކެވެ. އެއީ ދިވެހި ރުފިޔާއިން 997 މިލިއަން ރުފިޔާ އެވެ.
އެ ލޯނުތައް ދޭން ނިންމުމާ ގުޅޭ ގޮތުން އެ ބޭންކުގެ ރައީސް ޑރ. މުހައްމަދު އަލް ޖައްސަރު ވިދާޅުވީ އެ ޕްރޮޖްކެޓްތަކުގެ ސަބަބުން މެންބަރު ގައުމުތަކަށް ބޮޑެތި ކުރިއެރުންތަކެއް ލިބޭނެ ކަމަށެވެ.
އައިއެސްޑީބީއަކީ 57 މެންބަރު ގައުމުގެ މައްޗަށް އެކުލެވޭ ޑިވެލޮޕްމަންޓު ބޭންކެކެވެ. އުމުރާނީ ތަރައްގީގެ ޕްރޮޖެކްޓުތަކަށް އިސްލާމިކް ފައިނޭންސިން އެ ބޭންކުން ހަމަޖައްސައިދެ އެވެ.
ރާއްޖޭގެ މަސްވެރިކަމުގެ ދާއިރާގެ އުފެއްދުންތަކަށް ހާއްސަ ބްރޭންޑެއް ތައާރަފުކޮށް، އެ އުފެއްދުންތައް އިޝްތިހާރުކޮށް، މާކެޓުކުރުމަށް "މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިންގ އެންޑް ޕްރޮމޯޝަން ކޯޕަރޭޝަން"ގެ ނަމުގައި ހާއްސަ ކުންފުންޏެއް އުފެއްދެވުމަށް ސަރުކާރުން ވަނީ ނިންމާފަ އެވެ.
މަސްވެރިކަން ޒަމާނީކޮށް މަސްވެރިންގެ ގަދަރު އުފުލައި މަސްވެރިކަން ތިޔާގި ކުރުމަކީ ސަރުކާރުން ވަރަށް ބޭނުންވާ ކަމެއްކަމަށާއި އެކަމަށްޓަކައި މަސްވެރިކަން އިލްމުގެ މައްޗަށް ބިނާކުރުމަކީ މުހިއްމު ކަމެއްކަމަށް ސަރުކާރުން ވަނީ ބުނެފަ އެވެ. އަދި މަސްވެރި ސިނާއަތް ކުރިއަރުވަން ހާއްސަ ކޮލެޖެއް ގާއިމުކުރަން ވެސް ސަރުކާރުން ވަނީ މިފަހުން ނިންމާފަ އެވެ.
