އަޒީމާ ސަފީރުކަމަށް އައްޔަންކުރަން ރައީސް ޑރ. މުހައްމަދު މުއިއްޒު މަޖިލިހަށް ފޮނުއްވީ އިއްޔެއެވެ.
ރައްޔިތުންގެ މަޖިލީހުގެ ހާރިޖީ ގުޅުންތަކުގެ ކޮމިޓީން މިއަދު ވަނީ އަޒީމާއަކި ތައުލީމާއި ތަޖުރިބާގެ އަލީގައި ގާބިލު ބޭފުޅެއްކަން ނިންމާ އިންޓަވިއު ނުކޮށް އޭނާއަށް ރުހުން ދޭން ނިންމާފައެވެ. މިގޮތަށް ނިންމީ ކޮމެޓީގައި ބައިވެރިވި އަށް މެމްބަރުންގެ އިއްތިފާގުންނެވެ.
އަޒީމާވަނީ ޗައިނާގައި ހުންނަވާ ރާއްޖޭގެ ސަފީރުކަމުގެ މަގާމު 2019 އިން 2023 އަދާކުރައްވާފައެވެ. އަދި މިހާރު އަޒީމާ ހުންނެވީ ފޮރިން މިނިސްޓްރީގެ އެޑިޝަނަލް ސެކެޓްރީގެ މަގާމުގައެވެ. އެމަގާމުގައި ހުންނެވީ އިންޑިއާ ޑިވިޝަންގެ ހެޑްގެ ގޮތުގައެވެ.
އިންޑިއާގެ ސަފީރުގެ މަގާމުގަށް އަޒީމާ އައްޔަންކުރަން ނަން ފޮނުއްވީ އެ މަގާމުގައި މިހާރު ހުންނެވ އިބްރާހީމް ޝަހީބްގެ ދައުރު ހަމަވުމުންނެވެ. ޝަހީބް އެ މަގާމަށް އައްޔަންކުރެއްވީ މިދިޔަ ސަރުކާރުން މިހާރު 2022ވަނަ އަހަރުގެ އޮކްޓޫބަރު 10ގައެވެ.
ފޮރިން ސާވިސް ގާނޫނު ބުނާގޮތުން ސަފީރުން އައްޔަން ކުރާނީ ތިން އަހަރުގެ މުއްދަތަކަށެވެ.
