މަޖިލީހުގައި ވާހަކަފުޅު ދައްކަވަމުން އަބްދުލްގަފޫރު ފާހަގަކުރެއްވީ ގައުމުގެ އިގުތިސާދުގައި މައްސަލައެއް ނެތް ނަމަވެސް، ދައުލަތުގެ ހަރަދުތައް ހަމަނުޖެހޭ ކަމަށެވެ.
އަބްދުލްގަފޫރު ވިދާޅުވި ގޮތުގައި ސަރުކާރު ކުންފުނިތަކުގެ އާމްދަނީ 15 ޕަސަންޓަށް ދަށްވެފައިވާއިރު، ސިޔާސީ މަގާމުތަކުގެ އަދަދު ވަނީ 2،000 އިން މައްޗަށް އަރާފައެވެ. މީގެ އިތުރުން، ސަރުކާރުގެ ތެރޭގައި ކޮރަޕްޝަން އިންތިހާއަށް އޮތް ކަމަށްވެސް އޭނާ ވިދާޅުވިއެވެ.
ޓީޖީއެސްޓީ އަދި ޖީއެސްޓީ ބޮޑުކުރުމާއެކު، އެއާޕޯޓް ޓެކުހާއި ގްރީން ޓެކްސް ބޮޑުކުރަން ސަރުކާރުން ނިންމާފައިވާކަމަށާއި، މިކަމުގެ ސަބަބުން ރާއްޖެއަކީ ޓޫރިޒަމް ޓެކްސް އެންމެ ބޮޑު ގައުމަށް ވަމުންދާ ކަމަށް އޭނާ ވިދާޅުވިއެވެ. ނަމަވެސް، މި ހުރިހާ ޓެކްސްތަކެއް ބޮޑުކުރި ނަމަވެސް އެކަމުގެ ފައިދާ ރައްޔިތުންނާ ހަމައަށް ނާންނަ ކަމަށް އަބްދުލްގަފޫރު ފާހަގަކުރެއްވިއެވެ.
