އިންޑިއާއިން ބުނީ ކެނެޑާގައި ތިބި އެ ގައުމުގެ ހަ ޑިޕްލޮމެޓުން އަނބުރާ ގެންނަން ނިންމާފައިވާ ކަމަށެވެ. ނަމަވެސް ކެނެޑާއިން ބުނީ އެ މީހުން އިންޑިއާއިން ގެންދަނީ ނޫން ކަމަށާއި އެ މީހުންނަށް ވާނީ ގައުމުން ނުކުންނަށް ނޯޓިސް ދީފައި ކަމަށެވެ.
ކެނެޑާ ތުހުމަތުކުރާ ގޮތުގައި ނިއްޖާރުގެ މަރަކީ އިންޑިއާއިން ރާވައިގެން ކުރި ކަމެކެވެ. މިކަމުގައި ކެނެޑާގައި ހުންނަ އިންޑިއާ އެމްބަސީގެ ދައުރެއް އޮންނާނެ ކަމަށް ކެނެޑާ އިން ދެކެ އެވެ.
އިންޑިއާއިން ވަނީ އެ ހުރިހާ ތުހުމަތެއް ވަރަށް ބޮޑަށް ދޮގުކޮށް، ކެނެޑާއިން އެ ވާހަކަތައް ސާބިތުކޮށްދޭނެ އެއްވެސް ހެއްކެއް ހުށަހަޅާފައި ނުވާ ކަމަށް ބުނެފަ އެވެ.
ކެނެޑާގެ ބޮޑުވަޒީރު ޖަސްޓިން ޓްރޫޑޯ ވިދާޅުވި ގޮތުގައި އިންޑިއާއިން އިންކާރުކުރި ނަމަވެސް ހަރްދީޕްގެ މަރު ސާބިތުކުރެވޭ ވަރަށް އިންޓެލިޖެންސަށް ހުރީ މައުލޫމާތު ލިބިފަ އެވެ.
ކެނެޑާ އަށް 1997 ގައި ހިޖުރަކޮށް 2015 ގައި އެ ގައުމުގެ ރައްޔިތަކަށްވި ނިއްޖާރުއަކީ އިންޑިއާއިން ވަކިވެފައިވާ ސިކު ދައުލަތެއް ކަމަށްވާ ހާލިސްތާން އުފެއްދުމަށް ވަކާލާތުކުރި މީހެކެވެ.
ކެނެޑާއަކީ އިންޑިއާ އިން ބޭރުގައި ސިކް މުޖުތަމައަތުގެ އެންމެ ބޮޑު އާބާދީ ދިރިއުޅޭ ގައުމެވެ.
