ބަންޑާރަ ނައިބު އަހްމަދު އުޝާމް ވިދާޅުވީ ހުޅުމާލޭ ކޯޓް އުވާލުމުގެ މަސައްކަތް ކުރަމުން އަންނަކަމަށެވެ. އެގޮތުން އެކަމަށް ގާނޫނަށް ގެންނަށް ޖެހޭ އިސްލާހުތައް އެކުލަވާލުމުގެ މަސައްކަތް ކުރަމުން އަންނަކަމަށް އުޝާމް ވިދާޅުވިއެވެ.
ހުޅުމާލެ ކޯޓް އުވާލުމުގެ މަސައްކަތް ސަރުކާރުން ކުރަމުން އަންނައިރު ހުޅުމާލެ ކޯޓް ހުރުމުން ގޮންޖެހުތައް ކުރިމަތިވާކަމަށް ހައިކޯޓުން ނިންމި ނިންމުމެއްގައިވެސް ވަނީ ފާހަގަކޮށްފައެވެ. އެގޮތުން އިއްޔެ އެކޯޓުން ނިންމި ބަންދާއި ގުޅޭ އަމުރުގެ އިސްތިއުނާފު މައްސަލައަކީވެސް ހުޅުމާލެ ކޯޓުގެ ނިންމުން ސައްހަ ނޫންކަމަށް ބުނެ ހުށައެޅި މައްސަލައެކެވެ.
ކޯޓުތަކުގެ ގާނޫނު ގައިވާ ގޮތުން ސުޕީރިއާ ކޯޓުތައް ހުންނަ ރަށްރަށުގައި މެޖިސްޓްރޭޓް ކޯޓެއް ނުހުންނާނެއެވެ. އެހެންނަމަވެސް ސުޕްރީމްކޯޓުން ވަނަ އަހަރު ނިންމި ނިންމުގައި ވަނީ 2012 ހުޅުމާލޭގައި ހުންނަ މެޖިސްޓްރޭޓް ކޯޓަކީ ސައްހަ ކޯޓެއްކަމަށެވެ.
