މި މައްސަލާގައި ހައްޔަރުކޮށްފައީވަނީ އުމުރުން 26 އަހަރުގެ ޒުވާން ފިރިހެނެކެވެ. މީ ކުށުގެ ރިކޯޑްތައް އޮންނަ ޒުވާނެކެވެ.
މާލެއިން ހައްޔަރުކުރި މި ޒުވާނާގެ މައްޗަށް ފުލުހުން ކުރަނީ ގަސްދުގައި ރޯކޮށްލުމުގެ ތުހުމަތެވެ.
މީނާގެ ބަންދުގެ މުއްދަތަށް ކޯޓަށް ހާޒިރުކުރުމުން އޭނާ ކޯޓުގައި ބުނީ ކޮޓަރީގައީ ރޯކޮށްލީ ޑިޒައިނެއް ހެދުމުގެ ބޭނުމުގައިކަމަށެވެ.
ފުލުހުން ބުނީ އެމީހުން އަލިފާން ރޯވި ރިޕޯޓް ލިބިގެން ސީނަށް ދިޔައިރު ކޮޓަރީގެ ފާރުގައި ހުރި ކަރުދާސްތަކެއް ރޯވެ އަނދަމުންދާކަމަށެވެ. އަދި އަލިފާން ނިއްވާލީ އެމީހުންކަމަށްވެސް ފުލުހުން ބުނެއެވެ. އަދި އެތަނުން މި ޒުވާނާ ހައްޔަރުކޮށް ސުވާލުކުރުމުން އަލިފާން ރޯކޮށްލީ އޭނާކަމަށް ބުނެ އެއްބަސްވެފައިވާކަމަށްވެސް ފުލުހުން ބުނެއެވެ،
މީނާގެ ބަންދާއި މެދު ގޮތެއް ނިންމުމަށް ކޯޓަށް ގެންދިޔުމުން ކޯޓުން ވަނީ ފަސްދުވަހުގެ މުއްދަތެއް ބަންދަށް ޖަހާދީފައެވެ.
