އޭޝިއަން ކަޕް ކޮލިފައިންގައި 47 ގައުމަކުން ވާދަކުރާނެއެވެ. ރާއްޖެ ހިމެނެނީ ކޮލިފައިން ގްރޫޕް ސީގައެވެ. މި ގްރޫޕްގެ މެޗުތައް އޮންނާނީ ހޮނިހިރު ދުވަހުން ފެށިގެން ޗައިނާގެ ޑައިލާންގ ސިޓީގައެވެ.
ގްރޫޕް ސީގައި ރާއްޖެއާއެކު ދެން ހިމެނެނީ ގްރޫޕް ހޯސްޓްކުރާ ޗައިނާ އާއި ދެކުނު ކޮރެއާގެ އިތުރުން މެދުއިރުމަތީގެ ވަރުގަދަ ބާރު ބަހްރެއިން އަދި ބޫޓާނެވެ. ބޫޓާންއަކީ މި ސަރަހައްދުން ޒުވާން ޓީމުތަކުގެ ތެރެއިން މި ފަހުން އެންމެ ބޮޑު އިމްޕްރޫވްމަންޓެއް ހޯދި އެއް ޓީމެވެ.
ކޮލިފައިންގައި ރާއްޖެއިން އެންމެ ފުރަތަމަ ކުޅޭނީ ހޮނިހިރު ދުވަހު ބޫޓާނާ ދެކޮޅަށެވެ. ދެން 21 ވަނަ ދުވަހު ބަހްރެއިނާ ދެކޮޅަށް ކުޅޭނެ އެވެ. ގްރޫޕް ފިޔަވަހީގެ ފަހު ދެ މެޗުގައި ރާއްޖެއިން ކުޅޭނީ 23 ވަނަ ދުވަހު ދެކުނު ކޮރެއާއާ ދެކޮޅަށާއި 25 ވަނަ ދުވަހު ޗައިނާއާ ދެކޮޅަށެވެ.
ކޮންމެ ގުރޫޕަކުން އެއްވަނައަށް އަންނަ ގައުމު މުބާރާތަށް ކޮލިފައިވާއިރު، ގުރޫޕުގެ ދެވަނައިގައި އެންމެ ރަނގަޅު ނަތީޖާ ހޯދާ ފަސް ގައުމެއްވެސް މުބާރާތަށް ކޮލިފައިވާނެ އެވެ.
