މިއަދު ރައީސް އޮފީހުގައި އެންވާރަަމަންޓް މިނިސްޓްރީގެ މަސައްކަތްތަކާ ބެހޭގޮތުން މައުލޫމާތުދިނުމަށް ބޭއްވި ނޫސްވެރިންގެ ބައްދަލުވުމުގައި މިނިސްޓަރު ތޯރިގް ވަނީ ރާއްޖޭގައި 3 އިތުރު ބަޔޮސް ފިޔާ ހެދުމުގެ މަސައްކަތަކީ ރައީސް ޑރ. މުހައްމަދު މުއިއްޒުގެ މުހިއްމު ވައުދުފުޅެއްކަން ވިދާޅުވެފަ އެވެ.
އެ މަސައްކަތުގައި މިނިސްޓްރީން ޕްރޮޕޯސަލް ހުށަހަޅަން ހުޅުވާލާ، ޕްރޮޕޯސަލް ހުށަހެޅުމުގެ ވަގުތު ހަމަވިއިރު ބަޔޮސްފިއާ ރިސާވް ހެދުމަށް ހުށަހަޅާފައި ހުރީ އެންމެ ފަރާތަކުން ކަން ތޯރިގް ވިދާޅުވިއެވެ. އެގޮތުން ބަޔޮސްފިއާ ރިސާވް ހަދަން ހުށަހަޅާފައި ހުރީ ޅ އަތޮޅުން އެކަނި ކަމަށް ތޯރިގް ވިދާޅުވި އެވެ.
ކުރިއަށް އޮތްތާންގައި ޅ އަތޮޅުގައި ބަޔޮސްފިއާ ރިސާވް ހެދުމުގެ މަސައްކަތްތައް ވަރަށް އަވަހަށް ފެށިގެން ދާނެ ކަމަށާއި ޅ އަތޮޅު ކައުންސިލްއަށްވެސް މިހާރު ވާނީ އަންގާފައި ކަމަށް ތޯރިގް ވިދާޅުވި އެވެ.
ރާއްޖޭގެ ގުދުރަތީ ރީތިކަން ދައްކުވައިދޭ މިވަގުތު ރާއްޖޭގައި ހުރީ 3 ބަޔޮސްފިއާ ރިސާވް އެވެ. އެއީ ބ އަތޮޅު، އައްޑޫ ސިޓީ އަދި ފުވައް މުލައް ސިޓީގަ އެވެ.
