މިނިސްޓަރު މިހެން ވިދާޅުވެފައި މިވަނީ އެންވާރަމަންޓް މިނިސްޓްރީގެ މަސައްކަތްތަކާ ގުޅޭގޮތުން މައުލޫމާތު ދެއްވުމަށް ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.
މިވަގުތު ހުޅުމާލޭގައި ސިޓީ ލެވެލްގައި އެއާ ކޮލިޓީ މޮނީޓާ ކުރާ ޔުނިޓްތައް ހަރުކުރުމުގެ މަސައްކަތް ކުރަމުން ދާކަމަށް ފާހަގަކޮށް މިނިސްޓަރު ތޯރިގް ވިދާޅުވީ އެއީ ތަންކޮޅެއް ބޮޑެތި ޔުނިޓް ތަކެއް ކަމަށެވެ.
އެ މަސައްކަތް ކުރުމަށް ހުޅުމާލޭ ފޭސް 1، ފޭސް 2 ގައި ބެހެއްޓުމުގެ މަސައްކަތް ކުރަމުން މިހާރު ދާކަމަށާއި އެކަަމަށް ބޭނުންވާ މެޝިނަރީ އާއި އިކުއިޕްމަންޓް މިހާރު ވަނީ ލިބިފައި ކަމަށް މިނިސްޓަރު ތޯރިގް ވިދާޅުވި އެވެ. އެގޮތުން އިސްސްޓޯލޭޝަން ގެ މަސައްކަތް ވަރަށް އަވަހަށް ކުރާނެ ކަަމަށާއި މާލޭގައި ބަހައްޓާ މެޝިނަރީ ވެސް މިހާރު ވަނީ އައިސްފައި ކަމަށް ތޯރިގް ވިދާޅުވި އެވެ.
އޭގެ އިތުރުން ވިލިމާލެއަށްވެސް އެއާ ކޮލިޓީ ބަލާ އިތުރު 1 ޔުނިޓް ކުރިއަށް އޮތްތަނުގައި ގެންދެވޭނެކަމަށް މިނިސްޓަރު ތޯރިގް ވިދާޅުވި އެވެ.
ރާއްޖޭގެ އެކި ހިސާބުތަކުގެ އެއާ ކޮލިޓީއާއި، ވައިގެ ސާފުމިން ދެނެގަތުމަށް ރާއްޖޭ އެކި ކަންކޮޅުތަކުގައި މޮބައިލް ނުވަތަ އެއާކޮލިޓީ މެޝާ ކުރާ ބައެެއް އިކުއިޕްމަންޓްތައް ވަނީ ހަރުކުރެވިފަ އެވެ. އެއީ މާލޭ، ވިލިގިނލީ، ށ. ފުނަދޫ، ލ.ގަމުގަން އަދި ފުވައްމުލައް ސިޓީގައި ކަމަށް ތޯރިގް ވިދާޅުވި އެވެ.
އޭގެ އިތުރަށް ހަރުކޮށްފައި ނުވަތަ ރިކޯޑް ކުރުން ނުފެށޭ ސްޓޭޝަންތައް ހުރި ކަަމަށާއި އެތަންތަން ގާއިިމްކުރެވިފައި ހުރީ އައްޑޫ ސިޓީ، ދ ކުޑަ ހުވަދޫ، ޅ. ނައިފަރު، ކުޅުދުއްފުށީ، ގދ. ތިނަދޫ ކަމަށް ތޯރިގް ވިދާޅުވި އެވެ. އެގޮތުން އެތަންތަނުގައި މިހާރު ކުރިއަށް ދަނީ ޓެސްޓިންގެ މަރުހަލާ ކަަމަށް މިނިސްޓަރު ވިދާޅުވި އެވެ.
