މި ފޮތަކީ އޭނާ ލިޔުއްވި ހުލާސާ ތަފްސީރުގެ ތިން ވަނަ ވޮލިއުމެވެ.
މަހާޒް ވިދާޅުވެފައިވަނީ އަހަރެއްހާ ދުވަހުގެ ތެރޭގައި ގުރުއާނުގެ ދެބައިކުޅަ އެއްބައިގެ ހުލާސާ ތަފްސީރު ނިންމާލެވުނު ކަމަށެވެ. އަދި މިއީ މިހާތަނަށް އެންމެ ގަޔާވެގެން ލިޔުއްވި ބައި ކަމަށް ވެސް އޭނާ ވިދާޅުވި އެވެ. މި ވޮލިއުމް ފެށިގެން އަންނަނީ ހަވަނަ ފޮތުންނެވެ.
މި ފޮތް ލިބެން ހުންނާނީ ނޮވެލްޓީ ބުކްޝޮޕުންނާއި އެ ތަނުގެ ވެބްސައިޓުންނެވެ. ޖުމުލަ 476 ސަފުހާ ހިމެނޭ މި ފޮތުގެ އަގަކީ 420 ރުފިޔާ އެވެ. ނަމަވެސް އޮކްޓޯބަރު 26 ގެ ނިޔަލަށް ކުރިއަށްދާ ނޮވެލްޓީ ބުކް ފެއާގައި މި ފޮތް 357 ރުފިޔާއަށް ލިބޭނެ އެވެ.
މަހާޒް މި ސިލްސިލާގެ ފުރަތަމަ ވޮލިއުމް ނެރުއްވީ މިދިޔަ އަހަރުގެ އޮކްޓޯބަރު 17 ގަ އެވެ. އެއީ ގުރުއާނުގެ ފުރަތަމަ ފަސް ފޮތުގެ ތަފްސީރެވެ. މިހާރު މި ވަނީ އޭގެ ތިންވަނަ ބައި ވެސް ނެރުއްވައިފައެވެ.
