މިއަދު ހަވީރި އޮތް ރަސްމިއްޔާތެއްގައި މި ޕާކު ހުުޅުވާދެއްވީ ކޮންސްޓްރަކްޝަން ކޮންސްޓްރަކްޝަން އެންޑް އިންފްރާސްޓްރަކްޗަރު މިނިސްޓަރު ޑރ. އަބްދުﷲ މުއްތަލިބާއި ރާއްޖޭގައި ހުންނަވާ ޗައިނާގެ ސަފީރު ވާންގް ލީޒިންއެވެ. މި ޕާކު ހުޅުވުމުގެ ރަސްމިއްޔާތުގައި ކުޑަކުދިންވެސް ބައިވެރިވިއެވެ.
މިނިސްޓްރީން ބުނީ މިޕާކު ރަމްޒުކޮށްދެނީ ރާއްޖެއާ ޗައިނާއާ ދެމެދު އޮތް ޒަމާންވީ ގުޅުމުގެ ރަމްޒުކަމަށެވެ.
ސިނަމާލެ ބްރިޖް ޕާކު ހުޅުވުމުގެ ރަސްމިއްޔާތުގެ ތެރެއިން
މިނިސްޓަރު މުއްތަލިބު ވިދާޅުވީ ބްރިޖް ނިންމާ ބޭނުންކުރަން ފެށިއިރުވެސް މޮނިއުމަންޓް ހުރިކަމަށެވެ. އެހެންނަމަވެސް ލޮނުޒިޔާރަތް ޕާކާއެކު އެތަން ގެއްލިފައިވާކަމަސެވެ. އެހެންނަމަވެސް ރާއްޖޭގައި ހިންގުނު ބިޔަ މަޝްރޫއެއްކަމުން އެކަމުގެ މައުލޫމާތު އާއްމުންނަށް ލިބެން ހުރުމަކީ މުހިއްމުކަމަކަށްވާތީ އެތަން ބިނާކޮށް ހުޅުވީކަމަށެވެ.
މި ޕާކުގައި، މާލެ އާއި ހުޅުމާލެ ގުޅާލާ ސިނަމާލެ ބްރިޖު އެޅުމުގެ ރަސްމިއްޔާތާއި ބްރިޖުގެ މަސައްކަތް ކުރިއަށް ދިޔައިރު ނަގާފައިވާ ބައެއް ފޮޓޯތައް ވެސް ފެންނާނެ ގޮތަށް ބަހައްޓާފައި އެބަހުއްޓެވެ.
