ބޫޓާޏް މުބާރާތުގައި ރާއްޖޭގެ ފުރަތަމަ މެޗުގައި ކުޅުނީ އިންޑޮނޭޝިއާ އެވެ. މި މެޗުން ދިވެހި ކްރިކެޓް ޓީމު މޮޅުވީ 23 ލަނޑުންނެވެ. ބޫޓާނުގެ ދަނޑު ހުޅުވަން ކުޅޭ މި މުބާރާތުގައި ރާއްޖޭގެ ފުރަތަމަ މެޗުގައި، ޓޮސް ދިމާވީ އިންޑޮނޭޝިއާ އަށެވެ. އިންޑޮނޭޝިއާ އިން ކުޅެން އަރައި، 19.2 އޯވަރު ތެރޭ ހުރިހާ ކުޅުންތެރިން ނުބައިވެގެން ހެދީ 95 ލަނޑެވެ.
ޖަވާބުގައި ކުޅެން އަރައި ރާއްޖޭން 12 އޯވަރު ތެރޭ ދެ ކުޅުންތެރިން ނުބައިވެގެން 75 ލަނޑު ހަދާފައިވަނިކޮށް، އެ ވަގުތު ވިއްސާރަ ވުމާ އެކު، މެޗު މެދުކަނޑާލީ އެވެ. އަދި އަލުން ފަށަން ކުރި މަސައްކަތުގައި ޑިލޭތަކެއް އަންނާތީއާ އެކު، މެޗު އިތުރަށް ކުރިއަށް ނުގެންދެވިގެން ނިންމާލީ، މި އިނިންސްގައި ރާއްޖޭން ހާސިލްކުރަން ޖެހޭ ޓާގެޓް 53 ލަނޑަށް ރިވައިސްކޮށްފަ އެވެ.
ރާއްޖޭން ދެ ވަނަ މެޗުގައި ކުޅޭނީ ބޫޓާންއާ އެވެ. ރާއްޖޭން 2019 ވަނަ އަހަރުގެ ސައުތު އޭޝިއަން ގޭމްސްގައި ބޫޓާން ބަލިކުރި އެވެ.
