މި ހިދުމަތް ލިބޭނީ އިލެކްޝަންސް ކޮމިޝަނުގެ މައި ޕޯޓަލް (my.elections.gov.mv) މެދުވެރިކޮށެވެ.
އިލެކްޝަންސް ކޮމިޝަނުން ބުނީ މި ބަދަލު ގެނެސްފައިވަނީ މި މަހުގެ 20 ވަނަ ދުވަހުން ފެށިގެން ކަމަށެވެ. މީގެ ކުރިން މި ހިދުމަތް ހޯދުމަށް އެދެން ޖެހެނީ އެ ކޮމިޝަނަށް ސިޓީ ފޮނުވައިގެން ނުވަތަ އީމެއިލް ކޮށްގެންނެވެ.
އިލެކްޝަންސް ކޮމިޝަނުން ބުނީ މި ބަދަލަކީ އެ ކޮމިޝަނުން ފޯރުކޮށްދޭ ހިދުމަތްތައް ހަރުދަނާކޮށް، ޑިޖިޓަލް ކުރުމަށް ކުރެވޭ މަސައްކަތުގެ ދަށުން ގެނެވުނު ބަދަލެއް ކަމަށެވެ. އަދި މި ޕޯޓަލް ފަރުމާކޮށްފައިވަނީ ހުށަހަޅާ ހުށައެޅުމެއްގެ އަދާހަމަ ވަގުތުން ފެންނާނެހެން ކަމަށްވެސް އެ ކޮމިޝަނުން ބުންޏެވެ.
މި ބަދަލާ އެކު، ސިޔާސީ ޕާޓީތަކުގެ މެންބަރުންގެ ދަފްތަރުން ވަކިވާން ބޭނުންވާ މީހުންނަށްވެސް ޕޯޓަލް މެދުވެރިކޮށް އެދެވޭނެއެވެ. އަދި މީގެ ކުރިން ބޭނުންކުރަމުން އައި "ސިޔާސީ ޕާޓީގެ ދަފްތަރަށް ޝަކުވާ ހުށަހަޅާ ފޯމު" ބޭނުންކުރުން ވަނީ ހުއްޓާލާފައެވެ.
